CM Mamata Meets PM Modi: ममता बॅनर्जींनी घेतली पंतप्रधान मोदींची भेट

पश्चिम बंगालच्या मुख्यमंत्री ममता बॅनर्जी यांनी आज दिल्लीत पंतप्रधान नरेंद्र मोदी यांची भेट घेतली.
Mamata Banerjee & Prime Minister Narendra Modi
Mamata Banerjee & Prime Minister Narendra Modi Twitter/ANI

Mamata Banerjee Meets PM Modi: पश्चिम बंगालच्या मुख्यमंत्री ममता बॅनर्जी यांनी आज दिल्लीत पंतप्रधान नरेंद्र मोदी यांची भेट घेतली. यावेळी त्यांनी राज्याच्या वस्तू आणि सेवा कर (GST) च्या थकबाकीसह विविध मुद्द्यांवर चर्चा केली. ममता बॅनर्जी राष्ट्रपती द्रौपदी मुर्मू यांचीही भेट घेऊ शकतात.

Mamata Banerjee & Prime Minister Narendra Modi
ममता बॅनर्जी सरकारमधील मंत्र्याला EDकडून अटक; शिक्षक भरती घोटाळ्यात मोठी कारवाई

तत्पूर्वी, तृणमूल काँग्रेस (TMC) प्रमुख बॅनर्जी यांनी दिल्लीत पक्षाच्या खासदारांची भेट घेतली. यावेळी त्यांनी संसदेचे चालू अधिवेशन आणि 2024 च्या लोकसभा निवडणुकीबाबत चर्चा केली.

मिळालेल्या माहितीनुसार, बॅनर्जी यांचे पुतणे आणि पक्षाचे सरचिटणीस अभिषेक बॅनर्जी (Abhishek Banerjee) यांनी बैठकीत चर्चा केली. संसदेच्या पावसाळी अधिवेशनाच्या शेवटच्या दिवसांमध्ये खासदारांनी कोणते मुद्दे उपस्थित करावेत हेही त्यांनी सुचवले. दोघांनीही भाजपला (BJP) घाबरु नका, असे स्पष्टपणे आपल्या खासदारांना सांगितले.

Mamata Banerjee & Prime Minister Narendra Modi
राष्ट्रपती निवडणुकीपूर्वी ममता बॅनर्जी अ‍ॅक्शन मोडमध्ये !

नीती आयोगाची बैठक

पश्चिम बंगालचे मुख्यमंत्री 7 ऑगस्ट रोजी होणाऱ्या नीती आयोगाच्या बैठकीला उपस्थित राहणार आहेत. पंतप्रधान मोदी 7 ऑगस्ट रोजी NITI आयोगाच्या गव्हर्निंग कौन्सिलच्या बैठकीचे अध्यक्षस्थान भूषवतील, ज्यामध्ये कृषी, आरोग्य आणि अर्थव्यवस्थेशी संबंधित मुद्द्यांवर चर्चा केली जाईल.

Mamata Banerjee & Prime Minister Narendra Modi
''अच्छे दिन येणार... आम्ही घाबरत नाही'': मुख्यमंत्री ममता बॅनर्जी

तसेच, टीएमसी, टीआरएस आणि आप सारख्या बिगर-काँग्रेस विरोधी नेत्यांसोबत ममता शनिवारी चर्चा करणार आहेत. ममता बॅनर्जी दिल्लीत सोनिया गांधी (Sonia Gandhi) यांचीही भेट घेऊ शकतात. संसदेच्या चालू पावसाळी अधिवेशनात असे अनेक प्रसंग आले आहेत, जेव्हा काँग्रेस आणि टीएमसीमध्ये फूट पडली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com