Lok Sabha Election 2024: मोदी मॅजिक चालणार की विरोधकांची एकजूट निर्णायक ठरणार? घ्या जाणून...

युपीएला मिळणार 'इतक्या' जागा; एनडीए, भाजपचे नुकसान
Mood Of the Nation | Lok Sabha Election 2024
Mood Of the Nation | Lok Sabha Election 2024Dainik Gomantak

Lok Sabha Election 2024: आगामी लोकसभा निवडणुकीच्या अनुषंगाने सर्वच पक्ष जोरदार तयारीला लागले आहेत. भाजप पुन्हा एकदा पूर्ण बहुमतासह सत्तेत परतण्याची रणनीती आखण्यात गुंतलेला असताना, विरोधकदेखील 2024 मध्ये भाजपला कोंडीत पकडण्याची योजना आखत आहेत.

दरम्यान, देशातील आज निवडणूक झाल्यास देशात काय घडेल, याबाबत जनतेचा मूड एका सर्व्हेक्षणात जाणून घेण्यात आला आहे. लोकसभा निवडणूक झाल्यास कोणाला बहुमत मिळणार याबाबतचा हा सर्वे आहे. सर्वेक्षणात लोकसभा निवडणुकीच्या संदर्भात अतिशय रंजक चित्र समोर आले आहे.

Mood Of the Nation | Lok Sabha Election 2024
Telangana CM KCR: तेलंगणात राज्यपालांमुळे प्रजासत्ताक दिन कार्यक्रमात मुख्यमंत्र्यांची 'दांडी'

सर्व्हेमध्ये लोकांना विचारण्यात आले होते की, देशात लोकसभा निवडणुका झाल्या तर कोणाचे सरकार असेल. या प्रश्नाला उत्तर देताना बहुमत एनडीए सरकारच्या बाजूने आले आहे. म्हणजेच आता निवडणुका झाल्या तर पुन्हा एकदा एनडीएचे सरकार स्थापन होईल. काँग्रेसची कामगिरी सुधारली असली, तरी मोदी सरकारला हरवण्यासाठी ते पुरेसे नाही.

दरम्यान, सर्वेक्षणात NDA ला बहुमत मिळत असल्याचं दिसत असलं, तरी एनडीएसाठी चांगले संकेत नाहीत. आकडेवारीनुसार एनडीएला बहुमत दिसत असले तरी विरोधक एकत्र आल्यास सत्ता भाजपच्या हातातून निसटू शकते.

एनडीएला किती जागा मिळणार

सर्वेक्षणानुसार लोकसभेच्या 543 जागांपैकी एनडीए आघाडीला 298 जागा मिळत आहेत. त्याचवेळी काँग्रेसच्या नेतृत्वाखालील यूपीएला 153 जागा मिळत आहेत. इतरांना 92 जागा मिळणार आहेत. टक्केवारीबद्दल बोलायचे झाले तर एनडीएला 43 टक्के, यूपीएला 30 टक्के तर इतरांना 27 टक्के मते मिळत आहेत.

एनडीए, भाजपचे नुकसान

2019 च्या निवडणुकीत एनडीए आघाडीला 353 जागा मिळाल्या. यामध्ये एकट्या भाजपला 303 जागा मिळाल्या, त्या या सर्वेक्षणात 286 वर आल्या आहेत. सर्वेक्षणात 2019 च्या तुलनेत एनडीएला 55 जागांचे नुकसान दिसते आहे. तर एकट्या भाजपचे 17 जागांचे नुकसान होईल.

Mood Of the Nation | Lok Sabha Election 2024
Uttar Pradesh: बाराबंकीतील मदरशावर फडकला पाकिस्तानी ध्वज, गुन्हा दाखल

विरोधकांची एकजूट झाल्यास चित्र बदलणार

विरोधकांची एकजूट नसताना ही स्थिती पाहणीत आली आहे. तेलंगणाचे मुख्यमंत्री के. चंद्रशेखर राव स्वतःच्या राष्ट्रीय पक्षासह केंद्रीय सत्तेकडे नजर ठेऊन आहेत. आम आदमी पक्षाचे नेते आणि दिल्लीचे मुख्यमंत्री अरविंद केजरीवाल यांचे लक्ष देखील केंद्रातील सत्तेचे आहे.

तृणमुल काँग्रेसच्या सर्वेसर्वा आणि पश्चिम बंगालच्या मुख्यमंत्री ममता बॅनर्जी आणि जनता दल युनायटेडचे नेते आणि बिहारचे मुख्यमंत्री नितीश कुमार यांच्याही केंद्र सरकारमध्ये सक्रीय राजकारणाच्या चर्चा सुरू आहेत.

अशा स्थितीत विरोधकांनी एकजूट दाखवल्यास लोकसभेत भाजपच्या रणनीतीला धक्का बसू शकतो. विरोधकांच्या एकजुटीमुळे एकमेकांकडे मतांचे हस्तांतरण होणार आहे.

अशा स्थितीत नवीन समीकरणे तयार होतील ज्यामुळे जागांच्या संख्येतही बदल होईल. एनडीए आघाडी बहुमतापासून दूर गेल्यानंतर नवे समीकरणही तयार होऊ शकते.

एनडीएला या राज्यांत मिळणार लाभ?

आसाम- 12 जागा (2019 मध्ये 9 जागा जिंकल्या होत्या)

तेलंगणा- 6 जागा (2019 मध्ये 4 जागा )

पश्चिम बंगाल- 20 जागा (2019 मध्ये 18 जागा)

उत्तर प्रदेश- 70 जागा (2019 मध्ये 64 जागा)

या राज्यांमध्ये युपीएला फायदा?

कर्नाटक- 17 जागा (2019 मध्ये 2 जागा जिंकल्या होत्या)

महाराष्ट्र- 34 जागा (2019 मध्ये केवळ 6 जागा जिंकल्या होत्या)

बिहार- 25 जागा (2019 मध्ये केवळ 1 जागा जिंकली होती)

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com