Yasin Malik Hunger Strike: फुटीरतावादी नेता यासिन मलिकचे तिहार तुरुंगात उपोषण; सरकारकडे मोठी मागणी

अतिरेकी यासीन मलिकचे म्हणणे आहे की, त्याच्या विचाराधीन असलेल्या प्रकरणाचा तपास योग्य पद्धतीने होत नसल्याने तो उपोषणाला बसला आहे.
Yasin Malik
Yasin Malik Dainik Gomantak

Yasin Malik Hunger Strike: दिल्लीतील तिहार तुरुंगात बंद असलेला जम्मू-काश्मीर लिबरेशन फ्रंटचा (Jammu and Kashmir Liberation Front) प्रमुख यासिन मलिक (Yasin Malik) तुरुंगातच उपोषणाला बसला आहे. अतिरेकी यासीन मलिकचे म्हणणे आहे की, त्याच्या विचाराधीन असलेल्या प्रकरणाचा तपास योग्य पद्धतीने होत नसल्याने तो उपोषणाला बसला आहे. यासीन मलिकयाशी बोलण्यासाठी तुरुंगातील वरिष्ठ अधिकारीही आले मात्र त्याने उपोषण सोडण्यास नकार दिला.

13 जुलै रोजी, मलिकने माजी मुख्यमंत्री मुफ्ती मोहम्मद सईद यांची मुलगी रुबिया सईद हिच्या अपहरणाशी संबंधित प्रकरणातील साक्षीदारांची उलटतपासणी करण्यासाठी दिल्लीतील विशेष न्यायालयाकडे परवानगी मागितली होती. ही परवानगी न मिळाल्यास बेमुदत उपोषण करणार असल्याचे मलिकने सांगितले. मलिक व्हिडिओ कॉन्फरन्सद्वारे कोर्टात हजर झाला. आपण सरकारला पत्र लिहून न्यायालयात हजर राहण्याची परवानगी मागितली असल्याचे मलिकने सांगितले.

Yasin Malik
यासिन मलिकची 'प्यार वाली लव्ह स्टोरी', वाचा संपूर्ण प्रकरण

हे प्रकरण 8 डिसेंबर 1989 रोजी रुबिया सईदच्या अपहरणाशी संबंधित आहे. त्यावेळी केंद्रात भाजप समर्थित व्हीपी सिंग सरकार होते. सरकारने जम्मू-काश्मीर लिबरेशन फ्रंटच्या (JKLF) पाच दहशतवाद्यांना सोडल्यानंतर अपहरणकर्त्यांनी रुबियाची सुटका केली होती.

Yasin Malik
पाकिस्तानचे परराष्ट्र मंत्री बिलावल भुट्टो यांनी यासिन मलिकला पाठिंबा देत संयुक्त राष्ट्र संघाला पत्र लिहून केली तक्रार

या प्रकरणी दिल्लीच्या एका न्यायालयाने 25 मे रोजी काश्मिरी फुटीरतावादी नेता यासिन मलिकला जन्मठेपेची शिक्षा सुनावली होती. ‘दहशतवादी’ कारवायांसाठी निधी उभारल्याबद्दल मलिकला शिक्षा सुनावण्यात आली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com