योगी आदित्यनाथांचा आज शपथविधी; उपमुख्यमंत्री पदावरून 'सस्पेन्स' कायम

भाजपच्या विधिमंडळ पक्षाच्या बैठकीत उपमुख्यमंत्रिपदाची घोषणा झालेली नाही.
Yogi Adityanath oath ceremony news, UP CM oath ceremony news
Yogi Adityanath oath ceremony news, UP CM oath ceremony news

योगी आदित्यनाथ शुक्रवारी सलग दुसऱ्यांदा उत्तर प्रदेशच्या मुख्यमंत्रिपदाची शपथ घेणार आहेत. पाच वर्षांचा कार्यकाळ पूर्ण करून पुन्हा सत्ता हाती घेणारे ते राज्याचे पहिले मुख्यमंत्री ठरणार आहेत. गुरुवारी, भाजपच्या विधिमंडळ पक्षाने योगी यांची नेता म्हणून एकमताने निवड केली. यानंतर योगींनी राज्यपाल आनंदीबेन पटेल यांच्यासमोर सरकार स्थापनेचा दावा मांडला. त्यांनी योगींना सरकार स्थापनेचे निमंत्रण दिले. शुक्रवारी दुपारी 4 वाजता अटलबिहारी वाजपेयी एकना आंतरराष्ट्रीय क्रिकेट स्टेडियमवर एका भव्य समारंभात योगी मुख्यमंत्रीपदाची शपथ घेणार आहेत. (Yogi Adityanath oath ceremony news)

Yogi Adityanath oath ceremony news, UP CM oath ceremony news
...म्हणून तिने रक्ताने बनवली 'द काश्मीर फाइल्स'ची पेंटिंग

भाजप विधिमंडळ पक्षनेते निवडीसाठी एनडीए विधिमंडळ पक्षाची बैठक केंद्रीय निरीक्षक गृहमंत्री अमित शहा (Amit Shah), सहनिरीक्षक राष्ट्रीय उपाध्यक्ष रघुवर दास, निवडणूक प्रभारी धर्मेंद्र प्रधान यांच्या उपस्थितीत लोकभवन येथे पार पडली. भाजपचे ज्येष्ठ आमदार सुरेश खन्ना यांनी योगी आदित्यनाथ यांच्या नावाचा प्रस्ताव मांडला.

उपमुख्यमंत्र्यांवर सस्पेन्स कायम
भाजपच्या (BJP) विधिमंडळ पक्षाच्या बैठकीत उपमुख्यमंत्रिपदाची घोषणा झालेली नाही. 2017 मध्ये विधिमंडळ पक्षाचे नेते म्हणून निवड झाल्यानंतर योगी आदित्यनाथ यांनी दोन उपमुख्यमंत्र्यांची नियुक्ती करण्याचा प्रस्ताव ठेवला होता. त्यानंतर उपमुख्यमंत्री म्हणून केशव प्रसाद मौर्य आणि डॉ.दिनेश शर्मा यांची नियुक्ती करण्यात आली. गुरुवारी झालेल्या बैठकीत उपमुख्यमंत्रिपदाच्या घोषणेबाबत अटकळ बांधली जात होती, मात्र पक्षाने सस्पेन्स कायम ठेवला आहे.

Yogi Adityanath oath ceremony news, UP CM oath ceremony news
'यूट्यूबवर अपलोड करा, मोफत होईल'; 'द काश्मीर फाइल्स' वरुन केजरीवाल आक्रमक

जेव्हा योगी भावूक झाले...
विधिमंडळ पक्षनेतेपदी निवड झाल्यानंतर योगी आदित्यनाथ (Yogi Adityanath) आमदारांना संबोधित करताना भावूक झाले. योगी म्हणाले की, पंतप्रधान नरेंद्र मोदी, गृहमंत्री अमित शहा आणि भाजपने पाच वर्षे राज्यात सरकारच्या माध्यमातून जनतेची सेवा करण्याची संधी दिली. राज्यात प्रचंड बहुमताने विजयी झाल्यानंतर विधिमंडळ पक्षनेतेपदी निवड झाली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com