PM Narendra Modi
PM Narendra Modi Dainik Gomantak

'आज तुम्ही जिवंत असाल तर ती मोदींची देण...', बिहारच्या मंत्र्यांचं धक्कादायक वक्तव्य

पाकिस्तानची अवस्था तुम्ही टीव्हीवर पाहिलीच असेल. तरीही तुम्ही भारतात शांततेने जगत आहात- रामसूरत राय

आज तुम्ही सर्वजण जिवंत असाल तर ती नरेंद्र मोदींची देण आहे, असे धक्कादायक वक्तव्य नितीश कुमार सरकारमधील महसूल मंत्री रामसुरत राय यांनी केले आहे. मुझफ्फरपूर जिल्ह्यातील औरई विधानसभा मतदारसंघात दोन दिवसांच्या मुक्कामाच्या कार्यक्रमादरम्यान जाहीर सभेला संबोधित करताना त्यांनी हे वक्तव्य केले आहे. रामसूरत राय हे भाजपचे आमदार आहेत. ते पुढे म्हणाले की, 'कोरोना काळात देशांची स्थिती वाईट होती, तुम्ही टीव्हीवर पाकिस्तानची स्थिती पाहिली असेल.'

PM Narendra Modi
ISIS संदर्भात NIAची महाराष्ट्रासह 6 राज्यांमध्ये कारवाई, महत्वाची कागदपत्रे जप्त

दरम्यान, मंत्र्यांच्या भाषणाचा एक व्हिडिओही समोर आला आहे, ज्यामध्ये ते असे म्हणताना दिसत आहेत की, 'आज तुम्ही जिवंत आहात तर ते फक्त नरेंद्र मोदींमुळेच. मोदींनी कोरोना लसीचा शोध लावला नसता, मोफत लस दिली नसती, तर क्वचितच कोणी जिवंत राहिले असते. कोरोनाच्या दुसऱ्या लाटेत प्रत्येकाच्या कुटुंबातील सदस्य, नातेवाईक, मित्र यांचा मृत्यू झाला.'

PM Narendra Modi
WBSSC: 'शिक्षक भरती घोटाळ्यात ममता बॅनर्जीही...', भाजप नेत्याचा गंभीर आरोप

त्याचवेळी ते पुढे म्हणाले, 'विकासाची कामे होत आहेत, विकास झाला पाहिजे. मी तुम्हाला खात्री देतो. व्यवस्थेतर्गंत सरकार चालते. अगोदर आपल्या जीवाचे आणि मालमत्तेचे रक्षण करा, आणि त्यानंतर उरलेल्या पैशातून विकास करुया. 2-3 वर्षात कोरोनामुळे अर्थव्यवस्थेचे बारा वाजले. अनेक देशांमध्ये परिस्थिती अत्यंत वाईट आहे. पाकिस्तानची अवस्था तुम्ही टीव्हीवर पाहिलीच असेल. तरीही तुम्ही भारतात शांततेने जगत आहात.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com