Gorakhpur: सध्या लग्नसराईचा हंगाम सुरू असून, गोरखपूरमधून एक धक्कादायक घटना समोर आली आहे. दुसऱ्या ठिकाणी 50 लाख हुंड्याची ऑफर आली म्हणून मुलाने चक्क ठरलेले लग्न मोडले. 10 मे रोजी हे लग्न होणार होते.
मुलीच्या घरी लग्नाची तयारी सुरू होती. सगळे नातेवाईक जमले होते. दरम्यान, मुलाने अचानक घेतलेल्या या निर्णायामुळे मुलीच्या कुटुंबीयांना आश्चर्याचा धक्का बसला.
मिळालेल्या माहितीनुसार, ही घटना गोरखनाथ परिसरातील आहे. यानंतर पीडितेच्या वडिलांनी पोलिसांकडे मदतीचे आवाहन केले आहे. वास्तविक, गोरखनाथ परिसरातील विकास नगर, बारगडवा येथील एका मुलीचे लग्न चिलुआताल भागातील राप्तीनगर येथील अरुण उपाध्याय यांचा मुलगा प्रशांत उपाध्याय याच्यासोबत निश्चित झाले होते.
साखरपुडाही मोठ्या थाटामाटात पार पडला. त्यानंतर 10 मे रोजी लग्नाची तारीख निश्चित करण्यात आली. मात्र शेवटच्या क्षणी मुलांनी लग्नास नकार दिला. यानंतर पीडित मुलीच्या वडिलांनी पोलिसांकडे तक्रार केली.
हुंडा घेऊन मुलाने लग्न मोडले.
मुलीच्या वडिलांच्या तक्रारीनुसार, मुलाकडच्यांनी हुंड्याची रक्कम घेतली आणि गाडीची रक्कमही घेतली. पण, दुसरीकडून 50 लाख हुंड्याची ऑफर आल्याने त्यांनी तिथे लग्न करण्याचा निर्णय घेतला.
मुलगा, पालक आणि नातेवाईकांवर गुन्हा दाखल
पीडितेच्या वडिलांच्या तक्रारीवरून पोलिसांनी आरोपी तरुण प्रशांत उपाध्याय, त्याचे वडील अरुण उपाध्याय आणि आई नलिनी उपाध्याय यांच्याविरुद्ध चिलुआतल पोलीस ठाण्यात गुन्हा दाखल केला आहे.
याप्रकरणी चिलुआतल पोलिस ठाण्यात गुन्हा दाखल करण्यात आला आहे असून, पोलिस पुढील कारवाई करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.