फातोर्डा : येथील डॉन बॉस्को अभियांत्रिकी महाविद्यालयातील ५० विद्यार्थी पुणे येथे शैक्षणिक दौऱ्यावर गेले होते. त्यांच्यासोबत प्रो. सत्येश काकोडकर, प्रो. स्टेरिना डायस, प्रो. मधुराज नाईक आणि प्रो. अक्षता कुडचडकर गेले होते.
या विद्यार्थ्यांनी पुण्यात सेंट्रल वॉटर ॲण्ड पावर रिसर्च स्टेशन, मिलिटरी कॉलेज ऑफ इंजिनियरिंग, प्लंम्बिंग लेबोरटरी (कॉलेज ऑफ इंजिनियरिंग पुणे) आणि पाटील लाईफ रिपब्लिक कन्‍स्ट्रक्शन साईट येथे भेट देऊन विशेष माहिती मिळवली.
सेंट्रल वॉटर ॲण्ड पावर रिसर्च स्टेशन हे केंद्र सरकारच्या जलस्त्रोत मंत्रालयाच्या अधिकारात येते. येथे ओप्टिमाईझिंग डिझाईन ऑफ रिव्हर, कॉस्टल, वॉटर स्टोरेज आणि हायड्रोलिक स्ट्रक्चर याचे नियोजन, आयोजन व संशोधन केले जाते. या भेटीत वैज्ञानिक बिलाल शेख, संशोधन सहाय्यक मिलनकुमार सोमेश्र्वर व राहुल मलिक यांनी मार्गदर्शन केले.
प्लम्बिंग कॉलेजमध्ये विद्यार्थ्यांना प्रदीप जगताप यांनी प्लम्बिंगचे महत्त्‍व विषद केले. वैष्णव वाल्मिकी, चेतन आपटे व राहुल साकोरे यांनी काही प्रयोग करून दाखविले. मिलिटरी कॉलेजमध्ये विद्यार्थ्यांनी खास डिझाईनच्या इमारतींची पाहणी केली. यावेळी मयनक हझरा यांचे विद्यार्थ्यांना मार्गदर्शन लाभले.
कोलते-पाटील बांधकाम साईटवर विद्यार्थ्यांना प्रविण महाजन, यतिन पाटील, युवराज लोंढे, पंकज चौधरी, मानस प्रधान यांनी बांधकामविषयक माहिती दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.