Ganesh Chaturthi : बाणास्तारीचा प्रसिद्ध माटोळी बाजार सजला असून माटोळीचे सर्व प्रकारचे साहित्य येथे उपलब्ध आहे. रविवार 28 रोजी बाजारात खरेदीसाठी मोठी गर्दी होती. आज सोमवार 29 रोजीही पूर्ण दिवस हा बाजार सुरू राहणार आहे. या बाजारात घाऊक पद्धतीने साहित्याची विक्री केली जाते, त्यामुळे येथे खरेदी करून इतर ठिकाणी पुढील दोन दिवस माटोळी साहित्य विकले जाते. त्यामुळे रविवारी संध्याकाळी मोठ्या प्रमाणात खरेदी करण्यात आली.
नारळाच्या पेणी 300 रुपयांपासूून 600, 800 रुपयांनी विकल्या जात आहे. सुपारीचे कात्रे 300 ते 1000 आकाराप्रमाणे विक्री केली जात आहे. केळीच्या शिरत्या पन्नास नग 200 रुपये, माटोळी बांधण्यासाठी केवणीचा दोर पन्नास रुपये, कांगले, मावळींगे 50 रुपये, माटा 40 जोड, तोरंग 100 रु. आंबाडे पन्नास 100 रु., चिबूड 80 रु., निरफणस 100, 200 व 300 आकाराप्रमाणे दर आहेत. हळदीची पाने पंचवीस पाने 50 रु. असे दर आहेत. याशिवाय इतरही साहित्य मोठ्या प्रमाणात बाजारात उपलब्ध आहे.
यावर्षी बाजारात रानटी, निसर्गातील फळे जास्त मुबलक प्रमाणात आहेत. कलमाची फुले व फळेही मोठ्या प्रमाणात आहेत. बाजारात माटोळी साहित्याच्या दरातही जास्त वाढ नाही. काही वनस्पती, फळांचे दर थोडे वाढलेले आहेत.
खाद्य तेलाच्या किमती काही प्रमाणात उतरल्या असून कडधान्याच्या दरात वाढ झालेली आहे. गणेश चतुर्थीमध्ये मखर सजावटीसाठी लागणाऱ्या साहित्याच्या किमतीही वाढल्या आहेत. तरी बाजारात आज खरेदीसाठी उत्साह होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
