Ganesh Chaturthi: पूर्वीच्या मठग्राममध्ये सार्वजनिक गणपती उत्सवापेक्षा घरोघरी गणपती पूजेला महत्त्व असे. दहा वर्षांपूर्वीही काही घरांमध्ये आकर्षक देखावे साकारत होते. आता महागाई, युवा पिढीची अनुपलब्धता यांमुळे देखावे किंवा सजावट जवळपास बंदच झाली आहे. मडगावात घरोघरी गणपती पूजनावर भर दिला जातोच, शिवाय आता सार्वजनिक गणेशोत्सवालाही महत्त्व प्राप्त झाले आहे.
गोवा मुक्तीपूर्वी 1957 साली मडगाव बाजारातील काही लोक एकत्र आले आणि त्यांनी सार्वजनिक गणपती उत्सव मंडळाची स्थापना केली. मडगावातील पिंपळकट्ट्यावर गणपतीची स्थापना करून स्वातंत्र्यपूर्व काळात गोव्यात पहिला सार्वजनिक गणेशोत्सव साजरा करण्याचा मान मिळवला.
मडगावात आता पिंपळकट्टासह दक्षिण गोवा पोलिस, टेलिफोन, पालिका (बागेत), कदंब बस स्थानक, एसजीपीडीए मार्केट, आके पांडवा कपेल, घोगऴ येथील जुन्या चौगुले कॉलेज नाक्यावर, हाऊसिंग बोर्ड येथील सिद्धिविनायक मंदिर, वीज खाते, कोंबवाडा, जुना बाजार व स्वामी समर्थ गड असे 13 सार्वजनिक गणेशोत्सव साजरे होतात. सार्वजनिक गणेशोत्सव मंडळांमार्फत विविध सामाजिक, सांस्कृतिक उपक्रम राबवले जातात. ज्येष्ठ नागरिकांपासून युवकही यात सहभागी होतात.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
