बलुचिस्तानमध्ये 5.9 तीव्रतेचा भूकंप, 80 घरे कोसळली, 200 कुटुंबे बेघर

अर्धा मिनिट भूकंपाचे धक्के जाणवले, त्यामुळे घाबरलेल्या लोकांनी घराबाहेर उघड्यावर धाव घेतली.
बलुचिस्तानमध्ये 5.9 तीव्रतेचा भूकंप, 80 घरे कोसळली, 200 कुटुंबे बेघर
Earthquake in PakistanTwitte

इस्लामाबाद: पाकिस्तानच्या बलुचिस्तान प्रांतात 5.2 तीव्रतेच्या भूकंपाने खुजदार जिल्ह्यात किमान 80 घरे कोसळली, 200 हून अधिक कुटुंबे बेघर झाली. हवामान विभागाने दिलेल्या माहितीनुसार, भूकंपाचा केंद्रबिंदू औरंजीजवळ असून शुक्रवारी सकाळी 11.55 वाजता भूकंपाचे धक्के जाणवले. डॉन वृत्तपत्रानुसार, अधिकाऱ्यांनी सांगितले की सुमारे अर्धा मिनिट भूकंपाचे धक्के जाणवले, त्यामुळे घाबरलेल्या लोकांनी घराबाहेर उघड्यावर धाव घेतली. मोठ्या धक्क्यांनंतर कमी तीव्रतेचे धक्के थोड्या अंतराने जाणवले. (Earthquake in Pakistan)

Earthquake in Pakistan
भारतानंतर पाकिस्तानमध्येही WHOच्या कोरोना रिपोर्ट वर सवाल, 'पूर्णपणे निराधार...'

खुजदारचे उपायुक्त सेवानिवृत्त मेजर इलियास किबझाई यांनी डॉन वृत्तपत्राला सांगितले की, "भूकंपामुळे औरंजीचा मोठा भाग प्रभावित झाला आहे, ज्यामध्ये 80 हून अधिक घरे उद्ध्वस्त झाली आहेत, तर 260 इतर घरांना प्रचंड भेगा पडल्या आहेत." भूकंपामुळे वाध तहसीलमधील नल, जामरी, बरंग आणि नचकन सोनारो लाठी गावातील घरांचेही नुकसान झाले आहे. भूकंपामुळे कोणतीही जीवितहानी झाली नाही कारण बहुतेक लोक त्यांच्या घराबाहेर कामात व्यस्त होते, जे आत होते त्यांनी सुरुवातीच्या धक्क्यांनंतर घराबाहेर धाव घेतली.

घर कोसळल्यामुळे 200 हून अधिक कुटुंबे बेघर झाली आहेत. भूकंपाची माहिती मिळताच भूकंपग्रस्त लोकांसाठी मदत सामग्री पाठवण्यात आली. किबझाई म्हणाले की, डोंगराळ भागामुळे बचाव आणि मदत पथकाला बाधित गावांमध्ये पोहोचण्यात अडचणी येत होत्या. आम्ही औषधांसह आरोग्य पथक पाठवले आहे.बाधित कुटुंबांना निवारा देण्यासाठीही प्रयत्न सुरू आहेत.

Earthquake in Pakistan
चिनी कंपन्यांची ऑफर - तिसर्‍या मुलाला जन्म द्या, 1 वर्षाची रजा, 11.50 लाख बोनस घ्या

दरम्यान, बलुचिस्तानचे मुख्यमंत्री मीर अब्दुल कुदुस बिजेन्जो यांनी भूकंपामुळे स्थानिक लोकांच्या झालेल्या आर्थिक नुकसानीबद्दल गंभीर चिंता व्यक्त केली आणि भूकंपग्रस्त भागात तातडीने मदतकार्य सुरू करण्याचे निर्देश स्थानिक प्रशासन आणि प्रांतीय आपत्ती व्यवस्थापन प्राधिकरणाला दिले. भूकंपग्रस्त भागात तंबू, ब्लँकेट आणि इतर आवश्यक गोष्टींची तातडीने व्यवस्था करण्याच्या सूचना देत मुख्यमंत्री म्हणाले की, या कठीण काळात सरकार पीडितांच्या पाठीशी उभे आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.