Cruise Ship With 800 Corona cases: ऑस्ट्रेलियात हॉलिडे ट्रिपवर असलेल्या क्रुझमध्ये 800 कोरोनारूग्ण

जहाज सिडनीत थांबवले; एकाच दिवसात आढळले 8000 हून अधिक कोरोना रूग्ण
Cruise Ship With 800 Corona cases
Cruise Ship With 800 Corona casesDainik Gomantak

Cruise Ship With 800 Corona cases: ऑस्ट्रेलियात एकात दिवसात 8 हजाराहून अधिक कोरोनारूग्ण आढळून आले आहेत. त्यातच येथील एका हॉलिडे क्रुझमध्येही सुमारे 800 प्रवासी कोरोना पॉझिटिव्ह आढळून आले आहेत. त्यामुळे ही क्रुझ आता मध्येच थांबविण्यात आली आहे. ही क्रुझ न्युझीलंडहुन रवाना होणार होती. कार्निव्हल ऑस्ट्रेलियाचे हे मॅजेस्टिक प्रिन्सेस क्रुझ सिडनी बंदरावर थांबविण्यात आले आहे.

Cruise Ship With 800 Corona cases
Nose Grown On Hand: डॉक्टरांनी महिलेच्या हातावर उगवले नाक; फ्रान्समध्ये विचित्र शस्त्रक्रिया

या क्रुझमध्ये एकुण 4600 प्रवासी होते. दरम्यान, कोरोनाच्या अचानकपणे वाढलेल्या या आकड्यामुळे आता ऑस्ट्रेलियातील प्रशासनाचे टेनशन वाढले आहे. आरोग्य अधिकाऱ्यांनी कोरोनाची ही स्थिती सध्या टियर ३ टप्प्यातील असल्याचे म्हटले आहे. यातून केवळ मोठ्या प्रमाणात संसर्गाचा संकेत मिळू शकतो.

ही क्रुझ 12 दिवसांच्या ट्रिपवर होती. पण 800 प्रवासी कोरोना पॉझिटिव्ह आढळल्यानंतर क्रुझवर हडकंप माजला. त्यानंतर प्रवाशांसाठी प्रोटोकॉल बनविण्यात आले आहेत. तसेच या प्रवाशांना बाहेर कसे काढायचे यावर विचार केला जात आहे. सध्या कोरोना रूग्णांचे विलगीकरण केले जात आहे. त्यांच्या आरोग्य कर्मचारी नेमण्यात आले आहेत. दरम्यान, ऑस्ट्रेलियातील बहुतांश कोरोना पॉझिटिव्ह रूग्णांमध्ये ओमायक्रॉन व्हेरियंट आढळून आला आहे.

Cruise Ship With 800 Corona cases
NASA Alert about Glacier: ...तर लंडनपेक्षा दुप्पट आकाराचा हिमखंड बुडणार; 'नासा'ने दिला इशारा

भारताच्या कोरोनास्थितीचा विचार केला असता देशात सध्या सक्रीय कोरोनाग्रस्तांची म्हणजेच ज्यांच्यावर रूग्णालयात उपचार सुरू आहे, अशा कोरोनारूग्णांची संख्या केवळ 12 हजार 553 राहिली आहे. भारतात आत्तापर्यंत कोरोनाने 5 लाख 30 हजार 528 मृत्यू झाले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com