Kabul मधील मशिदीजवळ बॉम्बस्फोट, 8 ठार 18 जखमी; IS ने स्वीकारली हल्ल्याची जबाबदारी

Kabul Attack: अफगाणिस्तानातील काबूल येथील मशिदीजवळ झालेल्या बॉम्बस्फोटात आठ जण ठार तर 18 जण जखमी झाले आहेत.
Kabul
KabulDainik Gomantak

Afghanistan: अफगाणिस्तानातील काबूल येथील मशिदीजवळ झालेल्या बॉम्बस्फोटात आठ जण ठार तर 18 जण जखमी झाले आहेत. मिळालेल्या माहितीनुसार, शुक्रवारी मशिदीजवळ उभ्या असलेल्या वाहनात स्फोट झाला. तालिबानच्या एका वरिष्ठ अधिकाऱ्याने याला दुजोरा दिला आहे.

दरम्यान, काबूलच्या (Kabul) पोलीस प्रमुखाचे तालिबान-नियुक्त प्रवक्ते खालिद झदरान यांच्या म्हणण्यानुसार, पश्चिम काबूलमधील शियाबहुल सार-ए कारेझ भागात बॉम्बस्फोट झाला. सुरुवातीच्या अहवालात दोन जणांचा मृत्यू झाल्याची माहिती देण्यात आली होती, मात्र नंतर काही जखमींचा मृत्यू झाल्याने मृतांचा आकडा वाढला.

Kabul
Kabul स्टेडियमवर T20 सामन्यादरम्यान बॉम्बस्फोट, विश्वचषक खेळणारे खेळाडू थोडक्यात बचावले

या हल्ल्याची जबाबदारी आयएसने घेतली आहे

इस्लामिक स्टेट (IS) या दहशतवादी संघटनेने या हल्ल्याची जबाबदारी स्वीकारली आहे. जिथे पोलीस मृतांचा आकडा 8 सांगत आहेत. त्याचवेळी या स्फोटात 20 जणांचा मृत्यू झाल्याचा दावा आयएसने केला आहे. या घटनेचे काही व्हिडिओ सोशल मीडियावर (Social Media) पोस्ट करण्यात आले आहेत. यामध्ये स्फोटानंतर लोक मदतीसाठी ओरडताना दिसत आहेत.

Kabul
Kabul Blast: अफगाणिस्तान हादरलं, 12 जणांचा मृत्यू

IS हा अफगाणिस्तानसाठी मोठा धोका

आयएसशी संबंधित दहशतवादी 2014 पासून अफगाणिस्तानमध्ये (Afghanistan) सक्रिय आहेत, ज्यांना देशाच्या सुरक्षेसाठी मुख्य धोका म्हणून पाहिले जाते. गेल्या वर्षी ऑगस्टमध्ये तालिबानने सत्ता हाती घेतल्यानंतर हे हल्ले अधिक वाढले. या कट्टरपंथी दहशतवादी गटाने अलीकडच्या काही दिवसांत अफगाणिस्तानमध्ये झालेल्या अनेक हल्ल्यांमागे प्रामुख्याने अल्पसंख्याक शिया समुदायाला लक्ष्य केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com