जीव धोक्यात घालून बुर्ज खलिफा इमारतीवर उभे राहण्याची एयर होस्टेसने का घेतली रिस्क?

एक विशाल Emirates A380 Airbus विमान, जे जगातील सर्वात मोठे प्रवासी विमान आहे. बुर्ज खलिफा वर उभ्या असलेल्या एअर होस्टेसच्या जवळून जाते.
जीव धोक्यात घालून बुर्ज खलिफा इमारतीवर उभे राहण्याची एयर होस्टेसने का घेतली रिस्क?
Air hostess take risk of standing on Burj Khalifa building at risk of her life Dainik Gomantak

दुबईची (Dubai) अमीरात एअरलाईन (Emirates airline) पुन्हा एकदा आपल्या जाहिरातीने चर्चेत आली आहे. आणि विशेष म्हणजे त्यात पुन्हा एकदा त्याच एअर होस्टेसचा समावेश आहे, जी गेल्या वर्षी जगातील सर्वात उंच इमारतीच्या शिखरावर उभी राहून व्हायरल झाली होती. मात्र, यावेळी व्हायरल झालेल्या अमीरात एअरलाईनच्या व्हिडिओमध्ये एअर होस्टेसने जास्त धोका पत्करलेला दिसत आहे. व्यावसायिक स्कायडायव्हिंग प्रशिक्षक निकोल स्मिथ-लुडविक यांनी एअर होस्टेसचा वेश परिधान करून दुबईतील 2,722 फूट उंच बुर्ज खलिफा (Burj Khalifa) इमारतीवर पुन्हा चढाई केली.

एका हातात फलक घेऊन निकोलने 'मी अजून इथेच आहे!' त्यानंतर ती प्लेकार्ड बदलते, ज्यापैकी एक लिहिले होते, 'शेवटी, माझे मित्र आले आहेत.' थोड्याच वेळात, एक विशाल Emirates A380 Airbus जवळून जातो, जे जगातील सर्वात मोठे प्रवासी विमान आहे. यादरम्यान, विमान आणि बुर्ज खलिफा यांच्यामध्ये फक्त काहीच मीटरचे अंतर आहे. ही जाहिरात Emirates Airlines ची नवीन जाहिरात होती. ही जाहिरात रिलीज झाल्यानंतर काही वेळातच यूट्यूबवर दुसरा व्हिडिओही पोस्ट करण्यात आला, ज्यामध्ये लाखो लोकांनी हा स्टंट कसा केला होता हे पाहिले.

Air hostess take risk of standing on Burj Khalifa building at risk of her life
लाहोरमधील मार्केटमध्ये भीषण स्फोट; 3 ठार, 20 जण जखमी

विमान कंपनीने व्हिडिओ कसा बनवला हे सांगितले

हा स्टंट व्हिडिओ दुबई एक्सपो 2020 अंतर्गत तयार करण्यात आला आहे. दुबई एक्स्पो 2020 हा व्हिडिओ 1 ऑक्टोबर 2021 ते 31 मार्च 2022 पर्यंत चालवणार आहे. यामध्ये 192 देश सहभागी होऊन त्यांचे तंत्रज्ञान दाखवतात. अमीरातचे विमान अतिशय रंगीत असून निकोल या स्टंटद्वारे लोकांना दुबई एक्स्पोमध्ये येण्याचे आमंत्रण देत आहे. या स्टंटची माहिती देताना एअरलाइन्सने सांगितले की, हे विमान बुर्ज खलिफापासून अर्धा मैल दूर उड्डाण करत होते. मात्र कॅमेरा वर्कमधून निकोलजवळून जात असल्याचे दिसून आले.

Air hostess take risk of standing on Burj Khalifa building at risk of her life
सीरियाच्या उत्तरेकडील शहरात रॉकेट हल्ल्यात सहा ठार, 12 हून अधिक जखमी

विमान 166 मैलांच्या वेगाने उड्डाण करत होते

हे सर्व केल्यानंतरही हा स्टंट करताना खूप धोका होता. सर्वोत्तम शॉटसाठी, एअरबसला 11 वेळा निकोलजवळून जावे लागले. यादरम्यान विमानाचा वेग ताशी 166 मैल होता. मात्र, या महाकाय विमानासाठी हा वेग खूपच कमी आहे. साधारणपणे हे विमान ताशी 600 मैल वेगाने उडते. त्याच वेळी, स्टंट दरम्यान, वैमानिकांना जगातील सर्वात मोठे प्रवासी विमान 166 मैल प्रतितास वेगाने चालवावे लागले. तसेच विमान तीन हजार फुटांपेक्षा कमी उंचीवर ठेवावे लागले. या वेळी काही चुकले असते तर मोठी दुर्घटना घडू शकली असती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.