America vs China: तैवानच्या हद्दीत 21 चीनी विमानांची घुसखोरी; नॅन्सी पेलोसींच्या भेटीचे पडसाद

अमेरिकन सभागृहाच्या अध्यक्षा नॅन्सी पेलोसी यांनी तैवानमध्ये येण्याची 3 महत्त्वाचे कारणे स्पष्ट केले आहेत.
Nancy Pelosi Taiwan Visit
Nancy Pelosi Taiwan VisitTwitter

Nancy Pelosi Taiwan Visit: अमेरिकन सभागृहाच्या अध्यक्षा नॅन्सी पेलोसी तैवानमध्ये आल्याने चीन नाराज झाला आहे. काल मंगळवारी 21 चिनी लष्करी विमानांनी तैवानच्या हवाई हद्दीत प्रवेश केला. दरम्यान, नॅन्सी पेलोसी यांनी तैवानमधील लोकशाहीचे समर्थन करताना दोन्ही देशांमधील व्यापारी संबंध वाढवण्याची वकिली केली आहे.

तैवानमध्ये येण्याची तीन महत्त्वाचे कारणे

चीनने नेहमीच तैवानला आपला भाग मानले आहे. आज नाही तर उद्या तैवान चीनमध्ये सामील होईल, असे जिनपिंग यांनी अनेकदा सांगितले आहे. दरम्यान, यूएस हाऊस ऑफ रिप्रेझेंटेटिव्हच्या अध्यक्षा नॅन्सी पेलोसी यांच्या तैवान भेटीमुळे चीन चांगलाच संतापला आहे आणि त्यांनी तैवानभोवती डावपेचांची घोषणा केली आहे. दुसरीकडे, नॅन्सी यांनी आपल्या भेटीदरम्यान प्रसारमाध्यमांशी बोलताना तैवानमध्ये येण्याची तीन महत्त्वाचे कारणे त्यांनी स्पष्ट केले आहेत. सुरक्षा, शांतता आणि सरकार.

Nancy Pelosi Taiwan Visit
Nancy Pelosi Taiwan Visit: नॅन्सी पेलोसी तैवानमध्ये दाखल, चीनने अमेरिकेला दिली युध्दाची धमकी

आपण एकत्र काम करू

"आम्ही तैवानच्या लोकांसोबत आहोत. आम्ही तैवानच्या लोकशाहीचे समर्थक आहोत. लवकरच तैवानच्या राष्ट्रपती त्साई इंग वेन यांची भेट घेणार आहे. अमेरिकेला तैवानमध्ये शांतता हवी आहे. आम्हाला तैवानसोबत संसदीय देवाणघेवाण वाढवायची आहे. तैवान हा जगातील सर्वात स्वतंत्र समाजांपैकी एक आहे. आम्ही तुमचे ऐकण्यासाठी आणि तुमच्याकडून शिकण्यासाठी येथे आहोत. एकत्रितपणे पुढे जाण्यासाठी मार्ग शोधावा लागेल. या ग्रहाला हवामानाच्या संकटापासून वाचवण्यासाठी आपण एकत्र कसे काम करू शकतो, यावरही चर्चा करू", असे नॅन्सी पेलोसी म्हणाल्या.

चीन तैवानला आपला भाग मानतो

दुसरीकडे, नॅन्सी पेलोसी यांच्या तैवान भेटीवरून उद्रेक झालेल्या चीनच्या लष्कराने आम्ही कोणत्याही चिथावणीला तोंड देण्यासाठी तयार आहोत आणि आमच्या प्रादेशिक अखंडतेचे रक्षण करण्यास सक्षम आहोत, असा इशारा दिला आहे. ही आमची दुर्भावनापूर्ण तैवानच्या प्रवाशांसाठी चेतावणी आहे. किंबहुना, चीन तैवानला आपला भाग मानतो, त्यामुळे तैवानच्या इतर कोणत्याही देशाशी जवळीक साधण्यासही त्याचा विरोध आहे.

Nancy Pelosi Taiwan Visit
'आम्ही लोकशाहीचे समर्थक...', Taiwan मध्ये दाखल होताच पेलोसींची पहिली प्रतिक्रीया

काय आहे चीन आणि तैवान वाद?

या दोन देशांमधील वाद खूप जुना आहे. 1949 पासून कम्युनिस्ट पक्षाचे दोन्ही भाग स्वतःला एकच देश मानतात. चीन अजूनही तैवानला आपला भाग मानतो, तर तैवान स्वतंत्र देश असल्याचे सांगतो. या देशांमधील वाद दुसऱ्या महायुद्धानंतर सुरू झाला. 1940 मध्ये, माओ झेडोंगच्या नेतृत्वाखालील कम्युनिस्ट पक्षाने कुओमिंतांग पक्षाचा पराभव केला. त्यानंतर कुओमिंतांगचे लोक तैवानमध्ये स्थायिक झाले. हे ते वर्ष होते जेव्हा चीनचे 'पीपल्स रिपब्लिक ऑफ चायना' आणि तैवानचे 'रिपब्लिक ऑफ चायना' असे नामकरण करण्यात आले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com