Silicon Valley Bank: अमेरिकेतील सर्वात मोठी बँक दिवाळखोर

Silicon Valley Bank: एक दशकाहून अधिक काळ अमेरिकेतील आघाडीच्या बँकांपैकी एक असलेली सिलिकॉन व्हॅली बँक दिवाळखोर झाली आहे. बँक दिवाळखोर होण्याच्या एक दिवस आधी, गुरुवारी गुंतवणूकदार आणि ठेवीदारांनी बँकेतून सुमारे 42 अब्ज डॉलर रूपये काढण्याचा प्रयत्न केला.

शुक्रवारी नियामक फाइलिंगमध्ये ही माहिती देण्यात आली आहे. कॅलिफोर्निया डिपार्टमेंट ऑफ फायनान्शियल प्रोटेक्शन अँड इनोव्हेशनने ही बँक बंद करण्याचे आदेश दिले आहेत.

9 मार्च रोजी बँकेकडे 958 दशलक्ष डॉलरची निगेटिव्ह कॅश बॅलन्स होता. ठेवीदारांकडून पैसे काढण्याच्या प्रयत्नाचे प्रमाण इतके मोठे होते की बँकेकडे रोख रक्कम आणि ते मिळविण्याच्या पद्धती संपल्या.

सिलिकॉन व्हॅली बँकेचे सीईओ ग्रेग बेकर यांनी बुधवारी शेअरधारकांना पत्र पाठवले. त्यानंतर बँकेतून पैसे काढण्याची प्रक्रिया सुरू झाली. बँकेचे चलन संपेपर्यंत ही प्रक्रिया सुरू होती.

सिलिकॉन व्हॅली बँकेचे मुख्य कार्यालय आणि इतर सर्व शाखा 13 मार्चला पुन्हा सुरू होणार आहेत. तसेच, सर्व विमाधारक ठेवीदारांना सोमवार सकाळपर्यंत त्यांच्या ठेवी काढता येतील. 31 डिसेंबर 2022 पर्यंत, सिलिकॉन व्हॅली बँकेची एकूण मालमत्ता सुमारे 209 अब्ज डॉलर होती आणि एकूण ठेवी सुमारे 175.4 अब्ज डॉलर इतक्या होत्या.

विशेष म्हणजे, गेल्या अडीच वर्षांत FDIC विमाधारक बँक बंद होण्याची ही दुसरी वेळ आहे. यापूर्वी ऑक्टोबर 2020 मध्ये अल्मेना स्टेट बँकेलाही टाळे ठोकण्यात आले होते.

याआधी अमेरिकेतील बँकिंग संकटाबद्दल बोलायचे झाले तर सर्वात मोठी समस्या 2008 साली आली होती. त्या वर्षी बँकिंग फर्म लेहमन ब्रदर्सने स्वतःला दिवाळखोर घोषित केले. यानंतर अमेरिकेसह जगभरातील मंदीने अर्थव्यवस्थेचे कंबरडे मोडले होते.