अफगाणिस्तानमध्ये (Afghanistan) अभूतपूर्व भुकेचं संकट निर्माण झाले आहे. देशात तालिबानी राजवट लागू होऊन एक वर्ष पूर्ण झाले असून, संपूर्ण देश उपासमारीचा समाना करत आहे. लहान मुलांची भूक भागवण्यासाठी त्यांना झोपेच्या गोळ्या देऊन झोपवले जात आहे. तालिबान राजवटीमुळे आंतरराष्ट्रीय स्तरावरही त्यांना मदत मिळत नाही. देशात उपासमार आणि बेरोजगारी इतकी पसरली आहे की लोक जगण्यासाठी पोटच्या मुलींसह, स्वत:ची किडनी, मूत्रपिंड विकताहेत.
अफगाणिस्तानात तालिबान राजवट आल्यापासून देशाची अर्थव्यवस्था पूर्णपणे कोलमडून पडली आहे. देशात बेरोजगारी वाढत असून लोकांच्या खाण्यापिण्याचे हाल होत आहेत. भुकेच्या संकटामुळे लोक हतबल झाले आहेत. भूक लागल्यावर येथील लोक पाव किंवा झोपेच्या गोळ्या खात आहेत. मुलांची भूक भागवण्याचेही साधन त्यांच्याकडे उपलब्ध नसल्याने मुलांना गुंगीच्या गोळ्या खाऊ घालत आहेत.
15 ऑगस्ट 2021 रोजी अफगाणिस्तानमध्ये तालिबान पुन्हा सत्तेवर आले. त्या दिवसापासून देश विविध संकटांचा सामना करत आहेत. देशातील गरीबी आणि उपासमार यामुळे लोक त्यांच्या लहान मुलींची लग्न लावून देत आहेत, जेणेकरून त्यांचा उपासमारीपासून बचाव होईल. संयुक्त राष्ट्रांच्या जागतिक अन्न कार्यक्रमानुसार, अफगाणिस्तानच्या 95 टक्के लोकसंख्येकडे खायला पुरेसे अन्न नाही. या देशात पाच वर्षांखालील 10 लाखांहून अधिक मुले कुपोषणाची शिकार झाली आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
