Turkish Ancient Temples: ऐतिहासिकदृष्ट्या एक महत्त्वाचा शोध तुर्कीमध्ये लागला आहे. तुर्कस्तानच्या पूर्वेकडील वान जिल्ह्यातील एका प्राचीन किल्ल्याच्या उत्खननात पुरातत्वशास्त्रज्ञांना एक मंदिर सापडले आहे. या मंदिराचा संबंध राजा मिनुआशी सांगितला जात आहे. राज मिनुआचे दुसरे मंदिर देखील पुरातत्वशास्त्रज्ञांनी पूर्वी शोधले होते.
वास्तविक, तुर्कीमध्ये एका प्राचीन किल्ल्याचे उत्खनन सुरु आहे. हा किल्ला राजा मिनुआ याने इसवी सनपूर्व आठव्या शतकात बांधला होता. या किल्ल्याचे आधुनिक नाव 'Körzüt' आहे.
तुर्कस्तानच्या (Turkey) संस्कृती आणि पर्यटन मंत्रालयाच्या परवानगीनंतर व्हॅन म्युझियमद्वारे या किल्ल्याचे उत्खनन केले जात आहे. उत्खननादरम्यान अनेक महत्त्वाच्या गोष्टी सापडल्या आहेत. उत्खननाचे हे काम व्हॅन युझुनकू यिल विद्यापीठाच्या पुरातत्व विभागाचे प्राध्यापक सबाहत्तीन अर्दोन यांच्या नेतृत्वाखाली केले जात आहे. या कामासाठी तुर्की सरकार निधीही देत आहे. मात्र, हिवाळा पाहता किल्ल्यातील उत्खननाचे काम तात्पुरते थांबविण्यात आले आहे.
पुरातत्वशास्त्रज्ञांनी शोधलेले हे मंदिर कॉर्बेलिंग तंत्राने बांधले गेले आहे. त्यात मातीचे तुकडे आणि धातूच्या वस्तूही सापडल्या आहेत.
अर्दोन म्हणाले की, 'आम्हाला वाटते की, हे मंदिर (Temple) राजा मिनुआने बांधले होते. आम्हाला मंदिराजवळ एक समाधी देखील सापडली आहे. या परिसरातून मोठ्या प्रमाणात प्राचीन काळातील भांडीही सापडली आहेत. किल्ल्याच्या बाहेर एक स्मशानही सापडले आहे.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
