बेल्जियममध्ये सांता ख्रिसमस सेलिब्रेशनच्या उद्देशानं आला पण लोकांना कोरोनाचे गिफ्ट देवून गेला

दैनिक गोमन्तक
मंगळवार, 29 डिसेंबर 2020

ख्रिसमस साजरा करण्याकरीता येणारा सांताक्लॉज आनंद, उत्साह आणि गिफ्टची उधळण करत येतो. बेल्जियममध्येही तो याच उद्देशानं आला पण, जाता जाता तो इथल्या लोकांना कोरोनाचे गिफ्ट देवून गेला.​

बेल्जियम: कोरोनाचं संकट जगभर असताना सगळीकडे सण उत्सव साजरे केले गेले. तेव्हा या उत्सवांमध्येही कोरोनाच एक वेगळच रूप पाहायला मिळालं. त्यातच अनेक ठिकाणी यंदाच्या ख्रिसमस सेलिब्रेशन च्या वेळी लोकांना मन मारावं लागलं. पण, असं असताना देखिल कोरोनाच्या प्रतिबंधात्मक नियमांचं पालन करण्याकडे अनेकांनी दुर्लक्ष केलं आणि त्याचे परिणामही त्यांना भोगावे लागले.

सध्या सोशल मीडियावर सगळीकडे अशीच चर्चा सुरु आहे आणि ती म्हणजे बेल्जियममधील एका सांताक्लॉजची. ख्रिसमस साजरा करण्याकरीता येणारा सांताक्लॉज आनंद, उत्साह आणि गिफ्टची उधळण करत येतो. बेल्जियममध्येही तो याच उद्देशानं आला पण, जाता जाता तो इथल्या लोकांना कोरोनाचे गिफ्ट देवून गेला.

बेल्जियममध्ये सांताक्लॉजचं गिफ्ट महागात पडल्याची धक्कादायक घटना घडली आहे. जिथं सांताक्लॉज झालेल्या व्यक्तीकडून कोरोनाचा प्रसार झाल्याची बीतमी समोर येत आहे.

कोरोनाच्या सर्व नियमांचं पालन करण्याचं आवाहन असूनही अनेकांनी या नियमांचे हवे तसे पालन केले नाही. यानंतर काय झालं ते बेल्जियममध्ये बघायला मिळालं. मागील आठवड्यात एका होम केअर सेंटरमध्ये ही घटना घडल्याची बाब समोर आली. ख्रिसमस पार्टीत असणाऱ्या अनेकांना कोरोनाची लक्षणं दिसून आली आणि त्यांच्या चाचणीचे अहवालही पॉझिटीव्ह आले.

आनंद देण्यासाठी आलेल्या सांताक्लॉजला कोरोनाची लागण झाल्याची घटना पुढे आली आणि आनंदाऐवजी कोरोनाचाच प्रसार झाल्यामुळं खळबळ उडाली सांताक्लॉज कोरोना पॉझिटीव्ह असल्याच लक्षात आल्याबरोबर होम केअर सेंटरमधील सर्वांची कोरोना चाचणी करण्यात आली, ज्यामध्ये 157 जणांचा अहवाल पॉझिटीव्ह आला. यामध्ये 36 कर्मचाऱ्यांचाही समावेश असून या संसर्गामुळं 18 जणांचा मृत्यू झाला आहे.

बेल्जियनममधील स्थानिक महापौरांच्या माहितीनुसार कोरोनाच्या कुठल्याच नियमांचं पालन करण्यात आलं नव्हतं. पार्टीदरम्यान मास्कचा वापरही करण्यात आला नव्हता, शिवाय सोशल डिस्टन्सिंगही पाळण्यात आलं नव्हतं. त्यामुळंच हे संकट ओढावल्याची माहिती या भागातील स्थानिक महापौरांनी दिली.

 

 

संबंधित बातम्या