Swiss Bank: आत्ता काय खरं नाय! स्विस बँकेने भारताला दिली खातेदारांची यादी

Black Money In Swiss Bank: स्वित्झर्लंडच्या बँकांमध्ये काळा पैसा ठेवणाऱ्या धनाढ्याविरोधात सरकारला पुन्हा मोठं यश मिळालं आहे.
Money
MoneyDainik Gomantak

Swiss Bank on Black Money: स्वित्झर्लंडच्या बँकांमध्ये काळा पैसा ठेवणाऱ्या धनाढ्याविरोधात सरकारला पुन्हा एकदा मोठं यश मिळालं आहे. सरकारच्या विनंतीवरुन स्विस बँकेने पुन्हा भारतीय खातेदारांची यादी जाहीर केली आहे. भारताला मिळालेली ही चौथी यादी आहे. त्यात अनेक ट्रस्ट आणि कंपन्यांच्या खात्यांचाही समावेश आहे. मात्र सरकारने या खातेदारांची यादी सार्वजनिक केलेली नाही कारण त्याचा तपासावर विपरीत परिणाम होऊ शकतो.

34 लाख खातेदारांची यादी जाहीर

अहवालानुसार, स्वित्झर्लंडने (Switzerland) भारतासह 101 देशांना 34 लाख खातेदारांची यादी शेअर केली आहे. यामध्ये भारतातील शेकडो लोकांच्या खात्यांचाही समावेश आहे. स्वित्झर्लंडच्या फेडरल टॅक्स अ‍ॅडमिनिस्ट्रेशन (FTA) ने सांगितले की, 'ज्या काही देशांना खातेधारकांची यादी सलग चौथ्या वर्षी पाठवली गेली आहे, त्यात भारताचा (India) समावेश आहे. गेल्या महिन्यात ही माहिती सर्व देशांना पाठवण्यात आल्याचे एफटीएने म्हटले आहे. आता अशी पुढील माहिती सप्टेंबर 2023 मध्ये पाठवली जाईल.'

Money
Ukraine Crisis: युक्रेनवरील हल्ल्यांदरम्यान भारताने जारी केली अ‍ॅडव्हायझरी

27 देशांना तपशील पाठवला नाही

स्विस बँकेने 101 देशांची नावे आणि इतर माहिती उघड केलेली नाही. पण ही माहिती मिळवणाऱ्या देशांच्या यादीत भारताचा समावेश असल्याचे बँक अधिकाऱ्यांचे म्हणणे आहे. रशियासह (Russia) 27 देशांना त्यांच्या खातेदारांची कोणतीही माहिती देण्यात आलेली नाही. याचे कारण असे सांगण्यात आले आहे की, 'त्या देशांकडून काही डेटा मागवण्यात आला होता, परंतु अनेक रिमाइंडर देऊनही त्यांनी आवश्यक कागदपत्रे दिली नाहीत, त्यामुळे त्यांना ती माहिती देता आली नाही.'

Money
Russia Ukraine Crisis: भारताने युक्रेनला केली मानवतावादी मदत

भारताला 2019 मध्ये पहिली माहिती मिळाली

सप्टेंबर 2019 मध्ये स्विस बँकांकडून भारताला पहिली यादी मिळाली होती. त्यासाठी त्यांनी इतर देशांसोबत स्विस सरकारवर दबाव आणला होता. त्यानंतर स्विस सरकारने प्रत्येक वर्षी खातेदारांची यादी आपोआप विविध देशांना पाठवण्याचा करार केला. भारत सरकारच्या सूत्रांनी दिलेल्या माहितीनुसार, स्विस बँकांकडून अशी माहिती मिळाल्याने विदेशात काळा पैसा जमा करणाऱ्या लोकांची माहिती मिळेल. यासोबतच त्यांनी स्विस बँकेत किती पैसे आणि दागिने ठेवले आहेत, याचीही माहिती घेतली जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com