अफगाणिस्तानच्या उद्ध्वस्त अर्थव्यवस्थेची चीन-पाकिस्तानकडून लूट?

चीन आणि पाकिस्तानला (China and Pakistan) अफगाणिस्तानच्या अर्थव्यवस्थेचा फायदा घेण्याची जरा जास्तच घाई झाली आहे.
अफगाणिस्तानच्या उद्ध्वस्त अर्थव्यवस्थेची चीन-पाकिस्तानकडून लूट?
TalibanDainik Gomantak

अफगाणिस्तानात (Afghanistan) तालिबानची राजवट पुन्हा स्थापन झाल्याने (Taliban) चीन (China) आणि पाकिस्तानच्या आशा पल्लवीत झाल्या आहेत. (Pakistan) आणि या दोन देशांच्या नजरा आता देशातील संसाधनांवर खिळू लागल्या आहेत. (Afghan economy). एका मीडिया रिपोर्टमध्ये म्हटले आहे की, चीन आणि पाकिस्तानला (China and Pakistan) अफगाणिस्तानच्या अर्थव्यवस्थेचा फायदा घेण्याची जरा जास्तच घाई झाली आहे. येत्या काळात दोन्ही देशांना याचा मोठा फायदा होणार असल्याची शक्यता जागतिक स्तरावरुन वर्तविण्यात येत आहे. युद्धग्रस्त अफगाणिस्तान सध्या मोठ्या आर्थिक अडचणीतून जात आहे. गरीब देशाला भेडसावणाऱ्या जटिल आर्थिक समस्यांना सामोरे जाण्याचा अनुभव तालिबान्यांना नाही.

अफगाणिस्तानच्या मध्यवर्ती बँकेचे (Afghanistan’s central bank) माजी प्रमुख देखील देशाच्या अनिश्चित परिस्थितीमध्ये देश सोडून पळून गेले. त्यामुळे, अलीकडेच तालिबानने नवीन प्रमुख नेमला आहे. न्यूज वेबसाईट इनसाइडओव्हरने नोंदवले आहे की, आर्थिक समस्यांना हाताळणारे बहुतेक अफगाण अधिकाऱ्यांनी आता दुहेरी नागरिकत्व प्राप्त केले आहे. अशा परिस्थितीत त्यांना भीती वाटत आहे की, जर काही चूक झाली तर तालिबान त्यांच्या कुटुंबासह त्यांच्यावर सूड उगवू शकतो. या अधिकाऱ्यांनी घेतलेला कोणताही निर्णय, अगदी कल्पना किंवा चर्चाही त्यांच्यासाठी धोकादायक कृती ठरु शकते.

Taliban
तालिबान सरकारचा नवा कारनामा, सरकारमधून 'महिला मंत्रालयच' गायब

अफगाणिस्तानच्या अर्थव्यवस्थेत पाकिस्तानची भूमिका वाढू शकते

इनसाइडओव्हरच्या मते, ते देशातील पाकिस्तानी अधिकाऱ्यांचे वर्चस्व वाढवण्याचे काम करत आहेत. पाकिस्तानी सैन्याने गेल्या महिन्यात तालिबानला अफगाणिस्तानात आपली सत्ता प्राप्त करण्यासाठी मदत केली. अशा स्थितीत त्यांची भूमिकाही वाढू शकते. अफगाणिस्तानची अर्थव्यवस्था रुळावर आणण्यासाठी किंवा मार्गदर्शन करण्यासाठी पाकिस्तानी सैन्याचे अधिकारी पुढे येत असल्याची शक्यता व्यक्त करण्यात येत आहे. या व्यतिरिक्त, त्यांनी अफगाणिस्तानची अर्थव्यवस्था रुळावर आणण्यासाठी मसुदा देखील तयार केला आहे. इस्लामाबाद आणि बीजिंगने याच परिस्थितीचा फायदा घेण्यासाठी योजना आखली आहे. इस्लामाबादने अलीकडेच पहिले पाऊल उचलले, जेव्हा त्याने अफगाणिस्तानसोबत पाकिस्तानी रुपयामध्ये व्यापार करण्याची घोषणा केली आहे.

Taliban
चीन आणि पाकिस्ताननंतर रशियाचाही तालिबान सरकारला पाठिंबा

चीननेही तालिबान्यांना वेठीस धरण्यास सुरुवात केली

पाकिस्तानी अर्थमंत्री शौकत तारिन (Shaukat Tarin) यांनी काबूलमध्ये डॉलरची कमतरता भासत असल्याकारणाने पाकिस्तानी रुपयांमध्ये व्यापार करावा लागत असल्याचे सांगितले आहे. त्याचबरोबर चीननेही तालिबान्यांना वेठीस धरण्यास सुरुवात केली आहे. अलीकडेच, चीनने अफगाणिस्तानच्या अर्थव्यवस्थेला मदत करण्यासाठी 31 दशलक्ष अमेरिकन डॉलर्स देऊ केले आहेत. तालिबानने या बदल्यात चीनच्या बेल्ट अँड रोड इनिशिएटिव्ह (बीआरआय) सोबत करार करण्यास स्वारस्य दाखवले आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com