China: Xi Jinping रचणार इतिहास, माओनंतर बनणार सर्वात शक्तिशाली नेते!

China News: चीनचे राष्ट्राध्यक्ष शी जिनपिंग यांना पाच वर्षांचा तिसरा कार्यकाळ मिळू शकतो.
Xi Jinping
Xi JinpingDainik Gomantak

China News: चीनचे राष्ट्राध्यक्ष शी जिनपिंग यांना पाच वर्षांचा तिसरा कार्यकाळ मिळू शकतो. 16 ऑक्टोबर रोजी होणाऱ्या सत्ताधारी कम्युनिस्ट पक्षाच्या (CPC) अधिवेशनात त्यांना आयुष्यभर या पदावर राहण्यास मान्यता मिळणार आहे. तथापि, हा विशेषाधिकार आतापर्यंत केवळ पक्षाचे संस्थापक माओ झेडोंग यांनाच उपलब्ध होता.

चीन ही दुसरी मोठी अर्थव्यवस्था

शी यांच्या व्यतिरिक्त, जगातील दुसऱ्या क्रमांकाच्या अर्थव्यवस्थेला नव्याने अधिकृत मान्यता देण्यासाठी देशभरातील 2,000 हून अधिक प्रतिनिधी या अधिवेशनाला उपस्थित राहतील. दर पाच वर्षांनी होणाऱ्या पक्षाच्या अधिवेशनात बहुतांश प्रमुख पदाधिकारी एकतर निवृत्त होतील किंवा नवीन पदे स्वीकारतील. पंतप्रधान ली केकियांग (Prime Minister Li Keqiang) गेल्या 10 वर्षांपासून सत्तेत आहेत.

Xi Jinping
'Xi Jinping घाबरलेल्या गुंडासारखे वागतायेत', नॅन्सी पेलोसींचा चीनवर हल्लाबोल

दरम्यान, अधिकृत घोषणेनुसार मंगळवारी, 69 वर्षीय शी यांनी सीपीसीच्या पॉल्युट ब्युरोच्या बैठकीचे अध्यक्षस्थान स्वीकारले. 9 ऑक्टोबर रोजी पक्षाच्या पदाधिकाऱ्यांच्या सहभागासह पूर्ण अधिवेशन घेण्याचा निर्णय बैठकीत घेण्यात आला. 16 ऑक्टोबर रोजी बीजिंगमध्ये (Beijing) 20 वे अधिवेशन आयोजित केले जाईल, असे प्रस्तावित आहे.

दुसरीकडे, जिनपिंग यांच्या नेतृत्वाखालील पॉल्युट ब्युरोच्या बैठकीत भर देण्यात आला की, सीपीसीचे 20 वे अधिवेशन या नाजूक काळात अत्यंत महत्त्वाचे आहे, कारण संपूर्ण पक्ष आणि राष्ट्र आधुनिक समाजवादी विचारसरणीने प्रवास करत आहे.

Xi Jinping
भारत संघर्षानंतर Xi Jinping पहिल्यांदाच तिब्बत मध्ये दाखल; सीमाभागाचा केला दौरा

दर 5 वर्षांनी महत्त्वाची अधिवेशने आयोजित केली जातात

CPC दर पाच वर्षांनी आपल्या सर्व महत्त्वाच्या बैठका घेते, ज्या दरम्यान ते सरकार (Government) आणि पक्षाच्या कामाचा आढावा घेते. त्याचबरोबर पुढील पाच वर्षांच्या योजना मंजूर करते. सध्याच्या पक्ष परंपरेनुसार दर 10 वर्षांनी नेतृत्व आणि प्रमुख पदाधिकारी बदलले जातात. 69 वर्षीय शी जिनपिंग (Xi Jinping) यांना 20 व्या अधिवेशनात अध्यक्षपदासाठी तिसर्‍यांदा मान्यता मिळण्याची अपेक्षा आहे. जिनपिंग या वर्षी त्यांचा पाच वर्षांचा दुसरा कार्यकाळ पूर्ण करणार आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com