Chinese Spy Balloon: अमेरिकेच्या आकाशात चीनचा स्पाय बलून; हेरगिरीचा पेंटॅगॉनचा आरोप

अमेरिकेत खळबळ, चीनसोबतच्या तणावात वाढ
Chinese Syp Balloon
Chinese Syp Balloon Dainik Gomantak

Chinese Spy Balloon: गेल्या अनेक दिवसांपासून अमेरिकेच्या आकाशात एक संशयित चीनी स्पाय बलून दिसत असून, या फुग्याचा वापर हेरगिरीसाठी केला जात असल्याचा संशय अमेरिकेचा संरक्षण विभाग पेंटॅगॉनने व्यक्त केला आहे.

गेल्या काही दिवसांपासून अमेरिकेच्या आकाशात चीनचा एक संशयित स्पाय बलून उडताना दिसत आहे. त्यात हेरगिरीची उपकरणे असण्याची शक्यता आहे. अशा परिस्थितीत अमेरिकन सरकारमध्ये खळबळ उडाली आहे.

सुरुवातीला हा महाकाय फुगा खाली पाडण्याचा निर्णय घेण्यात आला. पण गोळीबारानंतर पडलेल्या ढिगाऱ्यांमुळे सुरक्षेला धोका निर्माण होण्याचे धोके लक्षात घेऊन सरकारने मागे हटले.

Chinese Syp Balloon
Pakistan: पाकिस्तानात पोलिसांनी काढला निषेध मोर्चा, जाणून घ्या नेमकं प्रकरण

काही वरिष्ठ यूएस अधिकाऱ्यांनी राष्ट्राध्यक्ष जो बायडेन यांना या फुग्याला खाली पाडणे टाळण्याचा सल्ला दिला कारण खाली पडणारा ढिगारा नष्ट झाल्यावर सुरक्षा परिस्थिती धोक्यात येऊ शकते.

अमेरिकेच्या एका वरिष्ठ संरक्षण अधिकाऱ्याने सांगितले की, या फुग्याचा वापर हेरगिरीसाठी होत असल्याचे स्पष्ट झाले आहे. तैवानच्या मुद्द्यावरून जगातील दोन सर्वात मोठ्या अर्थव्यवस्था असलेल्या चीन आणि अमेरिका यांच्यातील संबंध गेल्या वर्षी तणावपूर्ण राहिले आहेत.

तैवानमधील मानवी हक्कांचे उल्लंघन आणि दक्षिण चीन समुद्रात चीनच्या लष्करी कारवायांचा अमेरिका निषेध करत आहे.

गेल्या काही दिवसांपासून अमेरिकन हवाई क्षेत्रात दिसणाऱ्या या बलूनचा अमेरिका मागोवा घेत आहे. अमेरिकन लष्करी विमानांद्वारेही त्यावर लक्ष ठेवले जात आहे. मात्र, हा फुगा कोणत्या उंचीवर उडत आहे, याबाबत काहीही बोलण्यास अधिकाऱ्यांनी नकार दिला आहे. पण हे नागरी हवाई वाहतुकीच्या हद्दीच्या वर उडत असल्याचे सांगितले आहे.

Chinese Syp Balloon
Pakistan Economic Crisis: कंगाल पाकिस्तानात महागाईने मोडला 48 वर्षांचा रेकॉर्ड

यूएस आर्मीच्या वरिष्ठ अधिकाऱ्यांनी हा फुगा मोंटाना शहरावरून हा फुगा फोडण्याचा विचार केला होता, परंतु संभाव्य धोक्याची काहीच कल्पना नसल्यामुळे कृती केली गेली नाही.

अमेरिकन अधिकाऱ्यांनीही हा मुद्दा चीनसमोर मांडला आहे. या प्रकरणावर आम्ही चीनी समकक्षांशी गांभीर्याने चर्चा केली असल्याचे अमेरिकन अधिकाऱ्याचे म्हणणे आहे. अलिकडच्या वर्षांत अमेरिकेत अनेक वेळा स्पाय बलून दिसले आहेत. मात्र यावेळी हा संशयित चीनी स्पाय बलून बराच काळ अमेरिकन हवाई क्षेत्रात दिसत असल्याने चिंता वाढली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com