China Economic Crisis: बिकट आर्थिक परिस्थितीतून जात असलेल्या चीनमध्ये अब्जाधीश व्यावसायिकांचेही दिवस चांगले जात नाहीत. अलीबाबाचे संचालक जॅक मा यांना वाईट दिवस येत होते, आता त्यांच्या पंक्तीत आणखी एक अब्जाधीश उद्योगपती सामील झाला आहे.
या अब्जाधीशाचे नाव हुई का यान (Hui Ka Yan) आहे. यान हे एव्हरग्रेंडे या रिअल इस्टेट कंपनीचे अध्यक्ष आहेत. कोरोनामुळे चीनची सर्वात मोठी रिअल इस्टेट कंपनी अडचणींचा सामना करत आहे. चीनमधील एव्हरग्रेंडच्या बुडण्याने तेथील अर्थव्यवस्थेला मोठा धक्का बसला आहे.
दरम्यान, अब्जाधीश उद्योगपतींचा मागोवा घेणाऱ्या ब्लूमबर्ग बिलियनेअर्स इंडेक्समध्ये एव्हरग्रेंडचे अध्यक्ष हुई का यान यांच्या संपत्तीत 93 टक्क्यांनी घट झाल्याचे दिसून आले.
इंडेक्सनुसार, हुई का यान यांच्या संपत्तीत 5 वर्षांत 39 अब्ज डॉलर म्हणजेच 3.12 लाख कोटी रुपयांची घट झाली आहे. 2017 मध्ये हुई का यान यांची एकूण संपत्ती सुमारे $42 अब्ज होती, जी आता फक्त $3 अब्ज इतकी कमी झाली आहे. Evergrande अजूनही $300 अब्ज कर्ज आहे. एकेकाळी चीनमधील सर्वात मोठी रिअल इस्टेट कंपनी असलेली एव्हरग्रेंड ही आता जगातील सर्वात जास्त कर्जात बुडालेली कंपनी आहे.
हुई का यान एकेकाळी चीनमधील सर्वात श्रीमंत व्यक्तींपैकी एक होते, त्यांच्याकडे महागड्या कार, नौका, जहाजे आणि आलिशान बंगले होते. परंतु मॅंडरिनमध्ये झू जियाइन या नावाने ओळखले जाणारे यान आपली वैयक्तिक मालमत्ता विकण्यास भाग पडले. कंपनीवरील 300 अब्जांचे कर्ज फेडण्यासाठी त्यांना बंगले आणि खासगी जेटही विकावी लागली.
2021 हे वर्ष चीनमध्ये वादळी ठरले. त्याचवर्षी, चीनमधील रिअल इस्टेट व्यवसायाची पडझड सुरु झाली. गुंतवणूकदारांची (Investors) परतफेड करण्यात अयशस्वी झाल्यानंतर डिसेंबर 2021 मध्ये एव्हरग्रेंडने डॉलर बाँडवर डिफॉल्ट केले. एव्हरग्रेंडमध्ये 2,00,000 कर्मचारी काम करतात. 2020 मध्ये, कंपनीची विक्री $ 100 बिलियन पेक्षा जास्त होती. त्याचे 280 शहरांमध्ये 1,300 हून अधिक प्रकल्प आहेत.
2020 मध्ये कोरोना महामारीची (Corona Epidemic) सुरुवात होताच चिनी उद्योगपती जॅक मा यांचाही वाईट काळ सुरु झाला. सरकारविरोधी वक्तव्ये केल्यानंतर जॅक मा अचानक तिथल्या कम्युनिस्ट पक्षाच्या निशाण्यावर आले. 2020 मध्ये, Ant Group जगातील सर्वात मोठा IPO आणणार होते. मात्र सरकारने त्यावर बंदी घातली. यानंतर जॅक मा जवळपास 2 वर्षे भूमिगत राहिले. अलीकडे ते एंट ग्रुपमधून बाहेर पडले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.