Russia Ukraine War: दिल्लीपेक्षा लहान असणाऱ्या या देशाने रशियाला दिली टक्कर

इथे लिथुआनियाबद्दल बोलले जात आहे, ज्याने रशियाच्या कॅलिनिनग्राडला रेल्वेने जाणाऱ्या मालावर बंदी घातली आहे.
Russia Ukraine War: दिल्लीपेक्षा लहान असणाऱ्या या देशाने रशियाला दिली टक्कर
Vladimir PutinDainik Gomantak

Russia threats Lithuania on Kaliningrad: रशिया आणि युक्रेनमध्ये सुरु असलेले युद्ध कधी संपेल हे कोणालाच माहीत नाही. दरम्यान, लोकसंख्या आणि क्षेत्रफळात दिल्लीपेक्षा लहान असलेल्या देशाने रशियासमोर उभे ठाकल्याने सर्वांनाच आश्चर्याचा धक्का बसला आहे. इथे लिथुआनियाबद्दल बोलले जात आहे, ज्याने रशियाच्या कॅलिनिनग्राडला रेल्वेने जाणाऱ्या मालावर बंदी घातली आहे.

रशिया का भडकला?

वास्तविक, लिथुआनिया एकेकाळी तत्कालीन सोव्हिएत युनियनचा (यूएसएसआर) भाग होता. 1991 मध्ये सोव्हिएत युनियनच्या विघटनानंतर लिथुआनिया वेगळा देश बनला.

Vladimir Putin
Russia Ukraine War: ...म्हणुन रशियन पत्रकाराने केला नोबेल पदकाचा लिलाव

असे उत्तर देईल की...: रशिया

रॉयटर्समध्ये प्रकाशित झालेल्या वृत्तानुसार, लिथुआनियाने रशियाची (Russia) पुरवठा साखळी रोखल्यास योग्य त्या परिणामांना सामोरे जावे लागेल अशी धमकी रशियाने दिली आहे. दुसरीकडे, आपल्यावर हल्ला केल्यास चोख प्रत्युत्तर दिले जाईल, असे लिथुआनियाने म्हटले आहे. लिथुआनियाने नुकतीच रशियाची पुरवठा साखळी रोखली आहे.

लिथुआनियाने रशियाची रसद थांबवली

मॉस्कोच्या अधिकाऱ्यांनी या संदर्भात प्रश्न विचारला असता, लिथुआनियाने सांगितले की, 'युरोपियन युनियन (European Union) च्या निर्बंधांमुळे आपण हे केले आहे.' म्हणजेच, लिथुआनियाने युरोपियन युनियनच्या निर्बंधांच्या नियमांचा हवाला देत कॅलिनिनग्राडमधून येणाऱ्या आणि जाणाऱ्या मालावर बंदी घातली आहे.

Vladimir Putin
Russia-Ukraine War: युक्रेनचे सेवेरोडोनेत्स्क शहर रशियाच्या ताब्यात जाणार

दुसरीकडे, रशियन सुरक्षा परिषदेचे सचिव निकोलाई पेत्रुशेव्ह म्हणाले की, 'योग्य वेळ आल्यास लिथुआनियाला उत्तर दिले जाईल.' त्यावर लिथुआनियाचे राष्ट्राध्यक्ष गितानास नौसेदा म्हणाले की, 'आपण रशियाच्या हल्ल्याला प्रत्युत्तर देण्यासाठी तयार आहोत.' तथापि, ते असेही म्हणाले की, 'रशिया आपल्या विरोधात कोणतीही लष्करी कारवाई करेल असे मला वाटत नाही, कारण आम्ही नाटोचे सदस्य आहोत.'

लिथुआनियाची शक्ती

लिथुआनिया क्षेत्रफळ आणि लोकसंख्येच्या दृष्टीने दिल्लीपेक्षा (Delhi) लहान आहे. या देशाची लोकसंख्या सुमारे तीस लाख आहे, ज्यात फक्त 16 हजार सैनिक आहेत. परंतु त्यांच्या देशवासीयांचे इरादे युक्रेनपेक्षा कमकुवत नाहीत. त्याचवेळी रशियाविरुद्ध मोठे पाऊल उचलून त्यांनी हे सिद्ध केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com