Donald Trump: 2024 ची राष्ट्राध्यक्ष निवडणूक लढविण्याची डोनाल्ड ट्रम्प यांची घोषणा, पण...

अनेक प्रकरणात ट्रम्प यांची चौकशी सुरू असल्याने अपात्रतेची टांगती तलवार
Donald Trump
Donald TrumpDainik Gomantak

Donald Trump: अमेरिकेला पुन्हा महान बनविण्यासाठी मी राष्ट्राध्यक्ष पदासाठी स्वतःची उमेदवारी घोषित करत आहे, मी निवडणुकीसाठी तयार आहे, असे अमेरिकेचे माजी राष्ट्राध्यक्ष डोनाल्ड ट्रम्प यांनी जाहीर केले. त्यामुळे 2024 च्या राष्ट्राध्यक्षपदाच्या निवडणुकीत रिपब्लिकन पक्षाचे उमेदवार ट्रम्प हेच असतील, हे स्पष्ट झाले आहे.

Donald Trump
Russia Ukraine War: रशियाकडून पोलंडवर क्षेपणास्त्र हल्ला? अमेरिकेच्या राष्ट्राध्यक्षांनी बोलावली तातडीची बैठक

कदाचित विद्यमान राष्ट्राध्यक्ष ज्यो बायडेन हे देखील पुढील निवडणुकीत डेमोक्रेटिक पक्षाचे उमेदवार असले तर पुन्हा राष्ट्राध्यक्ष निवडणुकीत बायडेन विरूद्ध ट्रम्प असा सामना पाहायला मिळू शकतो. ट्रम्प यांनी यापुर्वीच US फेडरल इलेक्शन कमिटीत कागदपत्रे जमा केली होते.

ट्रम्प यांनी सिओक्स सिटी येथे एका रॅलीत पुढील निवडणूक लढविण्याबाबतचे संकेत दिले होते. देशाला अधिक सुरक्षित बनविण्यासाठी मी पुन्हा निवडणुकीत उभा राहू शकतो. तुम्ही सर्व तयारीत राहा. यापुर्वीही त्यांनी एका मुलाखतीत म्हटले होते की, मी निवडणूक लढवत असल्याने अनेकांना आनंद होईल. सर्वांनाच वाटते मी निवडणूक लढवावी. माझी पॉप्युलरिटी अधिक आहे. मी प्रेसिडेंट कँडिटेट साठी होणाऱ्या सर्व पोल आणि सव्हेर्तही आघाडीवर असेन.

Donald Trump
Twitter Blue Tick Subscription संदर्भात मोठी बातमी, एलन मस्कची पुन्हा नवी घोषणा!

ट्रम्प यांच्यासमोर अडचणी

ट्रम्प यांना मानणारा वर्ग असला तरी ते पुन्हा राष्ट्राध्यक्ष म्हणून निवडून येतील की नाही, हे सांगणे कठिण आहे. कारण त्यांच्यावर दोन वेळा महाभियोग चालवला गेला होता. याशिवाय बिझनेसमध्ये फसवणूक, US कॅपिटल हिल बिल्डिंगवर हल्ला, 2020 च्या निवडणुकीचा निकाल मान्य न करणे, कागदपत्रे लपवणे, असे आरोप त्यांच्यावर आहेत. त्याची चौकशी सुरू आहे. जर ते दोषी सिद्ध झाले तर ते अपात्र ठरतील. शिवाय पुढील निवडणुकीपर्यंत ट्रम्प यांचे वय 78 असणार आहे.

नुकत्याच मिड टर्म निवडणुकीत सिनेटमध्ये ज्यो बायडेन यांच्या पक्षाने वचर्स्व मिळवले आहे. तर हाऊस ऑफ रिप्रेझेंटेटिव्हमध्ये ट्रम्प यांचा पक्ष आघाडीवर असल्याचे समजते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com