अर्थ ऑवर डे 2021: आज या ऐतिहासिक इमारतींवरचेही लाइट बंद

आज, अर्थ आवर डे संपूर्ण जगात साजरा केला जाईल, म्हणजे या दिवशी एका तासासाठी जगभरातील लोक दिवे बंद करून पृथ्वीच्या उत्कर्षासाठी प्रार्थना करतील. हा दिवस प्रत्येक वर्षी मार्च महिन्याच्या शेवटच्या शनिवारी साजरा केला जातो. या प्रसंगी जगातील  180 हून अधिक देशांतील लोक ८.30 ते 9.30 या वेळेत आपल्या घराचे दिवे बंद ठेवून उर्जा बचत करतात. 

या दिवसाची कशी झाली सुरूवात?

वन्यजीव आणि पर्यावरण संघटना वर्ल्ड वाईड फंड फॉर नेचर यांनी अर्थ आवर डेची सुरूवात 2007 मध्ये केली होती. अर्थ मार्च हा दिवस 31 मार्च 2007 रोजी प्रथमच साजरा करण्यात आला होता. ऑस्ट्रेलियातील सिडनी येथे हा प्रथम आयोजित करण्यात आला होता. त्या वेळी लोकांना 60 मिनिटे दिवे बंद करण्यास सांगितले गेले आणि हळूहळू जगभर  हा दिवस साजरा होऊ लागला. 

होळी निमित्त घेवून येतोय Sakal Holi Beats 2k21 कार्यक्रमाची मेजवानी; पहा टिझर 

लोकांना ऊर्जा बचत आणि पर्यावरण संरक्षणाबद्दल जागरूक करणे हे या  दिवसाचे मुख्य उद्दीष्ट आहे. वर्ल्ड वाइड फंडाचे मुख्य उद्दीष्ट म्हणजे निसर्गाची हानी रोखणे आणि मानवी भविष्य सुधारणे. 

भारतात कशी झाली सुरुवात?
अर्थ आवर दिनानिमित्त, लोकांना त्यांच्या घरातील आणि कार्यालयातील अनावश्यक दिवे आणि विद्युत उपकरणे अवघ्या एका तासासाठी निश्चित वेळेसाठी बंद ठेवण्याचे आवाहन केले जाते. याची सुरुवात २००९  मध्ये भारतात झाली. यात 58 शहरांमधील 5 दशलक्ष लोकांनी हजेरी लावली. त्यानंतर 2010 मध्ये 128 शहरांमधील 70 लाख लोकांनी या मोहिमेमध्ये भाग घेतला आणि नंतर हा ट्रेंड सतत वाढत गेला. 

दिवंगत मनोहर पर्रिकरांनी दाखवलेला विश्वास, त्यांनी दिलेले आशीर्वाद आणि त्यांचे संस्कार यामुळेच हे शक्य झाल्याचे प्रमोद सावंत यांनी सांगितले

दिल्लीतील लोकांनी 2018 मध्ये सर्वाधिक 305 मेगावॅट विजेची बचत केली होती. तर २०२० मध्ये ७९ मेगावॅट विजेची बचत झाली होती. 

या ऐतिहासिक इमारतींवरही असतात लाइट बंद

पॅरिसमधील आयफेल टॉवर, न्यूयॉर्कमधील एम्पायर स्टेट बिल्डिंग, दुबईतील बुर्ज खलिफा आणि अथेन्समधील अ‍ॅक्रोपोलिस दर वर्षी  या जागतिक ठिकाणी हा दिवस राबविला जातो. या दरम्यान भारतात, राष्ट्रपती भवन, संसद भवन, इंडिया गेट यासह अनेक ऐतिहासिक इमारतींचे दिवे बंद करण्यात येतात.