Earthquake In Pacific: प्रशांत महासागरात जाणवले भूकंपाचे धक्के जाणवले आहे. या भूकंपाची तीव्रता रिश्टर स्केलवर 7.7 एवढी होती. भूकंपामुळे आसपासच्या बेट आणि महाद्वीपीय भागात सुनामीचा धोका वाढला आहे.
ज्यासाठी स्थानिक सरकारने देखील अलर्ट जारी केला आहे. अमेरिकेतील न्यू कॅलेडोनिया, फिजी आणि वानुआतु या भागांसाठी हा इशारा देण्यात आला आहे. युनायटेड स्टेट्स जिओलॉजिकल सर्व्हे (USGS) नुसार, हा भूकंप जमिनीच्या 10 किमी (6.21 मैल) खोलीवर झाल्याचे सांगण्यात आले आहे.
ग्वाटेमालामध्येही भूकंपाचे जोरदार धक्के जाणवले
या शक्तिशाली भूकंपाच्या काही तासांपूर्वी बुधवारी रात्री उशिरा मध्य अमेरिकेतील ग्वाटेमालामध्येही भूकंपाचे जोरदार धक्के जाणवले. या भूकंपाची तीव्रता रिश्टर स्केलवर 6.4 इतकी होती.
कॅनिला राजधानी ग्वाटेमाला शहराच्या उत्तरेस सुमारे 120 मैलांवर आहे. राजधानीतही भूकंपाचे धक्के जाणवले असले, तरी कोणतेही नुकसान झाल्याची माहिती नाही. ग्वाटेमालामध्ये झालेल्या या भूकंपामुळे कोणतीही जीवित किंवा वित्तहानी झाल्याचे वृत्त नाही.
तुर्कस्तानमध्ये झालेल्या भूकंपामुळे मोठे नुकसान
या वर्षाच्या सुरुवातीला 6 फेब्रुवारीला तुर्कस्तानमध्ये झालेल्या भूकंपाने मोठी हानी केली होती. तुर्कस्तानमध्ये झालेल्या भूकंपामुळे प्रचंड विध्वंस झाला. दक्षिण तुर्कस्तानमधील गझियानटेप हे भूकंपाचे केंद्र होते. या भूकंपातुन सावरत नाही तर लगेच दुसरा भूकंप झाला, त्याची तीव्रता रिश्टर स्केलवर 6.4 तीव्रता होती.
भूकंपाच्या धक्क्यांचा हा काळ इथेच थांबला नाही. यानंतर 6.5 रिश्टर स्केलचा आणखी एक धक्का बसला. तुर्कस्तानमध्ये एकामागून एक भूकंपामुळे 33 हजारांहून अधिक लोकांचा मृत्यू झाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.