Yemen Houthis दहशतवादी हल्ल्यातबाबत UAEने केले पहिले विधान

सोमवारी UAE मधील अबुधाबी (Abu Dhabi) विमानतळाजवळ तीन मोठे स्फोट झाले. या दहशतवादी हल्ल्यात दोन भारतीय आणि एका पाकिस्तानी नागरिकाचा मृत्यू झाला होता. येमेनच्या हुथी बंडखोरांनी या हल्ल्याची जबाबदारी स्वीकारली आहे. आता UAE ने उघडपणे या हल्ल्याचा निषेध करत मृतांच्या कुटुंबियांबद्दल शोक व्यक्त केला आहे.

UAE चे पहिले विधान

यूएईचे परराष्ट्र मंत्री शेख अब्दुल्ला बिन झायेद अल नाह्यान यांनी म्हटले आहे की, हौथी बंडखोरांनी निवासी भागावर केलेल्या हल्ल्याचा आम्ही तीव्र निषेध करतो. आम्ही हे स्पष्ट करू इच्छितो की ज्यांनी हा हल्ला केला आहे, ते नक्कीच उत्तरदायी असेल आणि त्यांच्यावर निश्चितपणे कारवाई केली जाईल. यूएईला या दहशतवादी हल्ल्यांना चोख प्रत्युत्तर देण्याचा अधिकार आहे. असे हल्ले हे आंतरराष्ट्रीय नियमांचेही उल्लंघन आहे, असे मत यूएईच्या परराष्ट्र मंत्र्यांनी व्यक्त केले.

अशा दहशतवादी हल्ल्यांविरोधात संपूर्ण जगाने एकत्र येण्याची गरज असल्याचे युएईनेही आपल्या निवेदनात नमूद केले आहे. अशा हल्ल्यांचा सर्वांनी मिळून निषेध केला पाहिजे. अशा प्रकारे सर्वसामान्यांचा जीव घेता येणार नसल्याचे स्पष्ट करण्यात आले आहे.

भारताने काय म्हटले आहे?

या संपूर्ण घटनेवर परराष्ट्र मंत्री जयशंकर यांनीही ट्विट केले आहे. यूएईच्या अर्थमंत्र्यांनी त्यांच्याशी फोनवर संवाद साधल्याची माहिती त्यांनी दिली आहे. या घटनेबद्दल जगभर हळहळ व्यक्त केली जात आहे. जयशंकर यांच्या म्हणण्यानुसार, भारतीय दूतावास तिथल्या प्रशासनाशी सातत्याने समन्वय साधत असून पीडितांच्या कुटुंबीयांना पूर्ण मदत देण्याचा प्रयत्न करत आहे. हुथी बंडखोरांबद्दल बोलायचे तर ते इराणचे समर्थक असल्याचे मानले जात आहे. इराण थेट हौथींना पाठिंबा देत असल्याचे सांगितले जाते. याची दोन कारणे समोर येतात. एक म्हणजे इराण देखील शिया देश आहे आणि हुथी देखील शिया आहेत. आणि दुसरे म्हणजे इराण आणि सौदी अरेबिया यांच्यात दीर्घकाळापासून वाद सुरू आहे.