North Carolina: अमेरिकेत गोळीबाराच्या घटना थांबण्याचे नाव घेत नाहीत. ताज्या माहितीनुसार, अमेरिकेतील नॉर्थ कॅरोलिनामध्ये झालेल्या गोळीबारात 5 जणांचा मृत्यू झाल्याची बातमी समोर येत आहे. एएफपी या वृत्तसंस्थेने या वृत्ताला दुजोरा दिला आहे. अमेरिकेच्या दक्षिणेकडील नॉर्थ कॅरोलिना राज्यात गुरुवारी झालेल्या गोळीबारात एका ऑफ-ड्युटी पोलिस अधिकाऱ्यासह पाच जणांचा मृत्यू झाल्याचे स्थानिक महापौरांनी पत्रकारांना सांगितले.
दरम्यान, महापौर मेरी-अ‍ॅन बाल्डविन यांनी पत्रकार परिषदेत सांगितले की, "एक दुःखद बातमी आहे. रॅले शहरासाठी एक दुःखाचा दिवस आहे. आज संध्याकाळी 5:00 नंतर, अज्ञाताने अनेक लोकांवर बेछूट गोळीबार केला. यामध्ये पाच लोकांच्या मृत्यूची पुष्टी झाली आहे. त्यापैकी एक ऑफ ड्यूटी रॅले पोलीस (Police) अधिकारीही होता. तर संशयिताला ताब्यात घेण्यात आले आहे.''
दुसरीकडे, संशयिताला ताब्यात घेतल्यानंतर लगेचच पोलीस विभागाने ट्विट केले. त्यामध्ये त्यांनी म्हटले की, 'जखमींमध्ये एका पोलिस अधिकाऱ्याचा समावेश आहे, ज्यांना रुग्णालयात (Hospital) नेण्यात आले होते.'
तसेच, युनायटेड स्टेट्समध्ये गोळीबार ही एक मोठी समस्या आहे, जिथे 2021 मध्ये सुमारे 49,000 लोक मरण पावले आहेत. त्या आकडेवारीचा अर्थ असा आहे की, दररोज 130 हून अधिक लोक गोळीबारात मारले गेले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
