Pope Benedict Death: माजी पोप बेनेडिक्ट यांचे निधन; गत 600 वर्षात राजीनामा देणारे एकमेव पोप

Pope Benedict Death: ख्रिस्ती समुदायाचे धर्मगुरू माजी पोप बेनेडिक्ट सोळावे यांचे आज शनिवारी (31 डिसेंबर) निधन झाले. ते 95 वर्षांचे होते. काही दिवसांपूर्वी त्यांची प्रकृती खालावली होती. व्हॅटिकनमधील मेटर एक्लेसिया स्थानिक वेळेनुसार सकाळी 9:30 वाजता त्यांचे निधन झाले.

2 जानेवारी 2023 रोजी त्यांचे पार्थिव अंतिम दर्शनासाठी सेंट पीटर्स बॅसिलिका येथे ठेवण्यात येणार आहे. 5 जानेवारीला त्यांच्या पार्थिवावर अंत्यसंस्कार करण्यात येणार आहेत. पोप हे जगातील सर्वात लहान देश व्हॅटिकन सिटीचे राष्ट्रप्रमुखच नाहीत तर जगाच्या विविध भागात पसरलेल्या अब्जावधी कॅथलिक ख्रिश्चनांचे अध्यात्मिक नेतेही आहेत.

अलीकडच्या काळात तो व्हॅटिकन गार्डन्समधील एक लहान मठ असलेल्या मेटर एक्लेसियामध्ये राहत होते. बेनेडिक्ट यांचा जन्म 16 एप्रिल 1927 रोजी जर्मनीमध्ये झाला होता. त्यांचे खरे नाव जोसेफ अलॉयसियस रॅटसिंगर होते. 24 एप्रिल 2005 रोजी वयाच्या 80 व्या वर्षी व्हॅटिकन सिटी येथे पोप म्हणून ते निवडले गेले. ते गेल्या 275 वर्षांतील सर्वात वयोवृद्ध पोप ठरले होते.

वृद्धापकाळामुळे त्यांनी 2013 मध्ये पोप पद सोडले. 600 वर्षांच्या इतिहासात पहिल्यांदाच काही कारणास्तव त्यांनी हे पद सोडले. पोप ग्रेगरी बारावा यांनी बेनेडिक्टच्या आधी 1415 मध्ये पदाचा राजीनामा दिला. मात्र, त्यानंतर ख्रिश्चनांच्या दोन गटांमधील भांडण हे त्याचे कारण बनले. अशा प्रकारे, जवळजवळ 600 वर्षांच्या इतिहासात पोपपदाचा राजीनामा देणारे ते पहिले पोप होते.

पीएम मोदींनी व्यक्त केला शोक

पोप बेनेडिक्ट सोळावे यांच्या निधनानंतर जगभरातील महत्वाच्या व्यक्तींनी शोक व्यक्त केला आहे. पंतप्रधान नरेंद्र मोदी यांनीही त्यांना श्रद्धांजली वाहिली आहे. मोदींनी ट्विटमध्ये लिहिले की, 'पोप एमेरिटस बेनेडिक्ट यांनी आपले संपूर्ण जीवन चर्च आणि मसिहाच्या शिकवणीसाठी समर्पित केले. समाजासाठी त्यांनी केलेल्या भरीव सेवेसाठी ते स्मरणात राहतील