कोलंबो: श्रीलंकेच्या विश्वकरंडक विजेत्या क्रिकेट संघाचे कर्णधार अर्जुन रणतुंगा यांनी युनायटेड नॅशनल पार्टी या विरोधी पक्षाच्या नेतेपदाच्या शर्यतीत उडी घेतली आहे. संसदेच्या निवडणूकीतील दारुण पराभवाच्या पार्श्वभूमीवर माजी पंतप्रधान रानील विक्रमसिंघे यांनी नेतृत्वाचा राजीनामा दिला आहे.
विक्रमसिंघे यांच्याकडे गेली 26 वर्षे पक्षाची धुरा होती. या पक्षाला पाच ऑगस्टच्या निवडणूकीत 225 पैकी एकाही जागी विजय मिळविता आला नाही.स्वतः विक्रमसिंघे 1977 नंतर प्रथमच पराभूत झाले.
रणतुंगा 57 वर्षांचे आहेत. ते सुद्धा पराभूत झाले. 2001 मध्ये त्यांनी राजकारणात उडी घेतली. त्यांचे वडील रेगी 1990च्या दशकात श्रीलंका फ्रीडम पार्टीच्या मंत्रीमंडळात होते.
भाऊ प्रसन्ना हे मात्र राजपक्षे यांच्या सत्ताधारी श्रीलंका पोदुजाना पेरामुना पक्षात असून सध्या पर्यटन मंत्री आहेत.
संपादन: ओंकार जोशी
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.