Sri Lanka Crisis: रानिल विक्रमसिंघे पुन्हा होऊ शकतात पंतप्रधान, संसदेत एकच जागा

श्रीलंकेचे माजी पंतप्रधान रानिल विक्रमसिंघे (Ranil Wickremesinghe), आपल्या इतिहासातील सर्वात वाईट आर्थिक टप्प्याचा सामना करत आहेत.
Sri Lanka Crisis: रानिल विक्रमसिंघे पुन्हा होऊ शकतात पंतप्रधान, संसदेत एकच जागा
Ranil Wickremesinghe Dainik Gomantak

श्रीलंकेचे माजी पंतप्रधान रानिल विक्रमसिंघे, आपल्या इतिहासातील सर्वात वाईट आर्थिक टप्प्याचा सामना करत आहेत. त्यांना गुरुवारी देशाचे पुढील पंतप्रधान म्हणून घोषित केले जाऊ शकते. 225 सदस्यांच्या संसदेत रानिल विक्रमसिंघे (Ranil Wickremesinghe) यांच्याकडे फक्त एक जागा आहे. (Former Sri Lankan Prime Minister Ranil Wickremesinghe could be declared the next Prime Minister of the country)

युनायटेड नॅशनल पार्टी (UNP) चे नेते विक्रमसिंघे (73) यांनी बुधवारी राष्ट्राध्यक्ष गोटाबाया राजपक्षे यांच्याशी संवाद साधला. पीटीआय या वृत्तसंस्थेने दिलेल्या वृत्तानुसार, दोन्ही नेते आज म्हणजेच गुरुवारी पुन्हा भेटू शकतात.

Ranil Wickremesinghe
Sri lanka Economic Crisis: नेत्यांच्या घरांवर हल्ले, एका खासदारासह 5 जण ठार

यूएनपीच्या वरिष्ठ नेत्यांनी सांगितले की, विक्रमसिंघे यांना आज संध्याकाळी 6.30 वाजता (स्थानिक वेळेनुसार) राष्ट्रपती राजपक्षे यांच्याकडून पदाची शपथ दिली जाऊ शकते.

मुख्य विरोधी पक्षनेते सजीथ प्रेमदास यांनी पंतप्रधान होण्याची इच्छा व्यक्त केली

2020 मध्ये झालेल्या संसदीय निवडणुकीत, देशातील सर्वात जुना पक्ष, UNP, एकही जागा जिंकू शकला नाही. पक्षाचा बालेकिल्ला मानल्या जाणाऱ्या कोलंबोमध्येही विक्रमसिंघे यांना पराभवाला सामोरे जावे लागले. त्यांनी नंतर एकूण राष्ट्रीय मतांच्या आधारे UNP ला वाटप केलेल्या एका राष्ट्रीय यादीद्वारे संसदेत प्रवेश केला.

Ranil Wickremesinghe
Sri Lanka: '...पाहताच क्षणी गोळ्या घाला', श्रीलंकन सरकारचा मोठा निर्णय

एएनआय या वृत्तसंस्थेने दिलेल्या वृत्तानुसार, प्रेमदास यांनी गुरुवारी राष्ट्रपतींना एक खुले पत्र लिहिले आहे, ज्यामध्ये त्यांनी देशाचा पुढील पंतप्रधान होण्याची इच्छा व्यक्त केली आहे. प्रेमदासा सध्या त्यांच्या कोलंबो कार्यालयात संसदीय गटाची बैठक घेत आहेत.

चार वेळा पंतप्रधान राहिलेले विक्रमसिंघे, महिंदा राजपक्षे यांनी राजीनामा दिला

चार वेळा देशाचे पंतप्रधान राहिलेले विक्रमसिंघे यांची 2018 मध्ये तत्कालीन राष्ट्रपती मैत्रीपाला सिरिसेना यांनी पदावरुन हकालपट्टी केली होती. मात्र, दोन महिन्यांनंतर त्यांना पुन्हा पंतप्रधान करण्यात आले.

या अहवालात सूत्रांच्या हवाल्याने असे म्हटले आहे की, सहा महिने चालणाऱ्या अंतरिम प्रशासनाचे नेतृत्व करण्यासाठी त्यांना सर्वपक्षीय पाठिंबा आहे.

Ranil Wickremesinghe
Sri Lanka: राष्ट्रपती गोटाबाया राजपक्षे यांनी 17 मंत्र्यांचे नवे मंत्रिमंडळ केले स्थापन

सूत्रांनी पुढे सांगितले की, सत्ताधारी श्रीलंका (Sri Lanka) पोदुजाना पेरामुना (SLPP), मुख्य विरोधी समगी जना बालवेगया (SJB) चा एक भाग आणि इतर काही पक्षांनी संसदेत बहुमत दाखवण्यासाठी विक्रमसिंघे यांना पाठिंबा दर्शविला आहे.

नवीन पंतप्रधान म्हणून शपथ घेतल्यानंतर विक्रमसिंघे संसदेत बहुमत मिळवू शकतील, असे यूएनपीचे अध्यक्ष वजिरा अभयवर्धन यांनी म्हटले आहे. विक्रमसिंघे पंतप्रधान झाल्यास ते महिंदा राजपक्षे यांची जागा घेतील, ज्यांनी सोमवारी राजीनामा दिला. विक्रमसिंघे यांच्याकडे दूरगामी धोरणांसह अर्थव्यवस्था (Economy) पुन्हा रुळावर आणणारे नेते म्हणून पाहिले जाते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.