'कोरोनाची चौथी लाटही ओसरली'

दक्षिण आफ्रिकेत लादलेले निर्बंध अखेर शिथिल
'कोरोनाची चौथी लाटही ओसरली'

Corona Wave in South Africa

Dainik Gomantak

केपटाऊन : दक्षिण आफ्रिकेत कोरोनाची चौथी लाटही ओसरल्याचं जाहीर करण्यात आलं आहे. त्यामुळे दक्षिण आफ्रिकेतील निर्बंध आता शिथिल करण्यात आले आहेत. दक्षिण आफ्रिकेत शनिवारपासून निर्बंध हटवल्याने तेथील नागरिकांना काहीसा दिलासा मिळाला आहे.

<div class="paragraphs"><p>Corona Wave in South Africa</p></div>
नववर्षाच्या जल्लोषावेळी ड्रग्जची तस्करी, दोन महिला अटकेत

दक्षिण आफ्रिकेमध्येच (South Africa) ओमिक्रॉनचा पहिला रुग्ण आढळला होता. त्यामुळे जगभरात चिंतेचं वातावरणही पसरलं होतं. मात्र आता निर्बंध हटवल्याने संपूर्ण जगभरात काहीसा दिलासा मिळाला आहे. देशातील कोरोनाची नियंत्रणात आलेली स्थिती, हॉस्पिटलमधील बेडची उपलब्ध क्षमता, लसीकरण या सर्व गोष्टींचा विचार करुन निर्बंध शिथिल केल्याचं दक्षिण आफ्रिका सरकारने स्पष्ट केलं आहे.

दिलासादायक गोष्ट अशी की दक्षिण आफ्रिका सरकारने असंही सांगितलं आहे की, इतर व्हेरिएंटच्या तुलनेत ओमिक्रॉन व्हेरिएंटमुळे (Omicron Variant) रुग्णांना हॉस्पिटलमध्ये दाखल करण्याचा दरही कमी होता. त्यामुळे ओमिक्रॉन व्हेरिएंटचा धसका घेतलेल्या जगभरातील सर्वच देशांमध्ये काहीसं दिलासादायक वातावरण आहे.

<div class="paragraphs"><p>Corona Wave in South Africa</p></div>
ओमिक्रॉनची टेस्ट घरी करणे शक्य? जाणून घ्या तज्ञांचे मत

दक्षिण आफ्रिकेत निर्बंध जरी शिथिल करण्यात आले असले तरीही मास्कची (Mask) सक्ती, सोशल डिस्टन्सिंगचं पालन बंधनकारक आहे. कोरोनाच्या चौथ्या लाटेमुळे वाढलेली रुग्णसंख्या ओसरु लागल्यानंतर निर्बंध (Restrictions) शिथिल करण्यात येत असल्याचं सरकारकडून सांगण्यात आलंय. दक्षिण आफ्रिकेत आतापर्यंत तब्बल 35 लाख लोकांना कोरोनाची लागण झाली असून सुमारे 90 हजारहून अधिक मृत्यू झाले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com