निडणुकीचा अवैध खर्च भोवला, फ्रान्सच्या माजी राष्ट्राध्यक्षांना कोर्टाचा दणका
फ्रान्सचे (France) माजी राष्ट्राध्यक्ष निकोलस सार्कोझी (Nicolas Sarkozy) यांना 2012 च्या निवडणुकीत अवैध पैसा (Illegal money) वापरल्याच्या कारणास्तव गुरुवारी दोषी धरण्यात आले Dainik Gomantak

निडणुकीचा अवैध खर्च भोवला, फ्रान्सच्या माजी राष्ट्राध्यक्षांना कोर्टाचा दणका

सार्कोझीने (Nicolas Sarkozy) न्यायालयाला सांगितले की, अतिरिक्त पैशाचा वापर त्यांच्या प्रचारासाठी करण्यात आलेला नाही. उलट त्यातून इतर लोकांना मदत करण्यात आली आहे. यामागे आपला कोणलाही फसविण्याचा हेतू नव्हता.

फ्रान्सचे (France) माजी राष्ट्राध्यक्ष निकोलस सार्कोझी (Nicolas Sarkozy) यांना 2012 च्या निवडणुकीत अवैध पैसा (Illegal money) वापरल्याच्या कारणास्तव गुरुवारी दोषी धरण्यात आले असून, त्यांना एका वर्षाची नजरकैद सुनावण्यात आली आहे. इलेक्ट्रॉनिक मॉनिटरिंग ब्रेसलेट परिधान करून कोर्टा त्यांची शिक्षा पूर्ण करण्याची अनुमती देऊ शकते. सार्कोझी 2007 ते 2012 पर्यंत फ्रान्सचे राष्ट्राध्यक्ष होते आणि आपण काहीही चुकीचे केलेले नसल्याचा त्यांनी स्पष्ट शब्दांत सांगितले आहे. ते या निर्णयाविरोधात अपील करण्याची शक्यता आहे.

फ्रान्सचे (France) माजी राष्ट्राध्यक्ष निकोलस सार्कोझी (Nicolas Sarkozy) यांना 2012 च्या निवडणुकीत अवैध पैसा (Illegal money) वापरल्याच्या कारणास्तव गुरुवारी दोषी धरण्यात आले
जपानचे मुत्सद्दी राजकारणी फुमियो किशिदा होणार देशाचे पुढील पंतप्रधान

निकाल घोषित करताना सार्कोझी पॅरिस न्यायालयात उपस्थित नव्हते. त्यांच्यावर निवडणुकीत 27.5 कोटी डॉलर जास्त खर्च केल्याचा आरोप आहे. ही रक्कम निवडणुकीत खर्च करण्याच्या रकमेपेक्षा दुप्पट आहे. त्यांचा समाजवादी नेते फ्रँकोइस ओलांद यांनी पराभव केला. कोर्टाने म्हटले की, सार्कोझींना चांगले माहित होते की पैसे खर्च करण्याची मर्यादा ओलांडली गेली आहे. पण यानंतरही त्यांनी अतिरिक्त खर्चाला लगाम घातला नाही. माजी राष्ट्राध्यक्ष सार्कोझी यांनी त्यांच्यावरील आरोप फेटाळले आहेत. मे आणि जूनमध्येही त्यांनी न्यायालयात आपण निर्दोष असल्याचे सांगितले होते.

लेखापालांनी पैशाची मर्यादा ओलांडण्याचा दिला होता इशारा

निवडणूक निधी प्रकरणाच्या संदर्भात, सरकारी वकिलांचे असे म्हणणे आहे, 2012 च्या निवडणुकीपूर्वी सार्कोझी यांना माहित होते की त्यांचा खर्च कायद्याची कमाल मर्यादा गाठत आहे. फ्रेंच कायद्यानुसार, निवडणुकांमध्ये पैसे काटेकोरपणे वापरावा लागतो. त्यांच्या अकाउंटंट्सनी त्यांना पैशाबद्दल चेतावणी दिली होती. परंतु त्यांनी त्याकडे दुर्लक्ष केले. वकिलांनी असा युक्तिवाद केला की सार्कोझी हे एकमेव व्यक्ती आहेत, जे अवैध निधी वापरण्यास जबाबदार आहेत. त्यांनी मोठ्या रॅलींसह अनेक मोर्चे आयोजित करून पैशांची मर्यादा ओलांडली.

फ्रान्सचे (France) माजी राष्ट्राध्यक्ष निकोलस सार्कोझी (Nicolas Sarkozy) यांना 2012 च्या निवडणुकीत अवैध पैसा (Illegal money) वापरल्याच्या कारणास्तव गुरुवारी दोषी धरण्यात आले
US: शीख अधिकाऱ्याला 5 वर्षांच्या संघर्षानंतर पगडी घालण्याची मिळाली परवानगी

माजी राष्ट्रपतींनी आपल्या बचावामध्ये हे सांगितले

सुनावणी दरम्यान, सार्कोझीने न्यायालयाला सांगितले की, अतिरिक्त पैशाचा वापर त्यांच्या प्रचारासाठी करण्यात आलेला नाही. उलट त्यातून इतर लोकांना मदत करण्यात आली आहे. यामागे आपला कोणलाही फसविण्याचा हेतू नव्हता. माझे दैनंदिन वेळापत्रक मी सांभाळत नव्हतो त्यासाठी माझी एक टीम होती. त्यामुळे खर्चाच्या रकमेसाठी त्यांना फक्त त्यांना दोष देता येणार नाही. या प्रकरणात माजी राष्ट्रपतींशिवाय इतर 13 लोकांवर गुन्हा दाखल करण्यात आला आहे. यामध्ये रिपब्लिकन पक्षाचे सदस्य, लेखापाल आणि रॅली आयोजक यांचा समावेश आहे. या सर्वांना बनावट प्रकरण, विश्वास तोडणे, फसवणूक करणे आणि बेकायदेशीर निधीसह अनेक आरोप लावण्यात आले आहेत.

Related Stories

No stories found.