ब्रिटनच्या राजकीय भूकंपाचे PM बोरिस जॉन्सन यांच्या खुर्चीलाही हादरे; उत्तराधिकाऱ्याचा शोध सुरु

पंतप्रधान बोरिस जॉन्सन यांचे राजकीय भवितव्य संकटात, ब्रिटनच्या अर्थमंत्री आणि आरोग्यमंत्र्यांचा एकापाठोपाठ एक राजीनामा
Prime Minister Boris Johnson and Rishi Sunak
Prime Minister Boris Johnson and Rishi SunakDainik Gomantak

लंडन: ब्रिटनचे (UK) अर्थमंत्री आणि आरोग्यमंत्र्यांनी मंगळवारी एकापाठोपाठ एक राजीनामा दिला. यामुळे पंतप्रधान बोरिस जॉन्सन (Boris Johnson) यांचे राजकीय भवितव्य आणखी संकटात सापडले आहे. त्यांच्या कारभारात अनेक गडबड झाली असून पार्टीगेट प्रकरणी विरोधी पक्षाकडून त्यांच्या राजीनाम्याची मागणी करण्यात आली होती. रॉयटर्सच्या म्हणण्यानुसार, जर बोरिस जॉन्सन यांनी राजीनामा दिला तर हे नेते ब्रिटनचे पुढील पंतप्रधान होऊ शकतात...

1. लिझ ट्रस (Liz Truss)

ब्रिटनच्या परराष्ट्र मंत्र्याला कंझर्व्हेटिव्ह पक्षात पसंती दिली जात असून त्या पक्षाच्या सदस्यांच्या मतांमध्ये सातत्याने वाढ होत असल्याचे दिसत आहे. ट्रसने आपली सार्वजनिक प्रतिमा काळजीपूर्वक जपली आहे आणि गेल्या वर्षी ब्रिटनच्या पहिल्या महिला पंतप्रधान मार्गारेट थॅचरच्या भूमिकेत एका टँकमध्ये फोटोही काढले होते. 46 वर्षीय लिझ बोरिस जॉन्सन यांच्या सरकारमध्ये पहिली दोन वर्षे आंतरराष्ट्रीय व्यापार मंत्री होती आणि त्यांनी ब्रेक्झिट पूर्ण केले. ट्रस यांनी सोमवारी सांगितले की त्यांचा जॉन्सनला 100% पाठिंबा आहे आणि त्यांनी त्यांच्या सहकार्यांना पाठिंबा देण्याचे आवाहन केले.

2. जेरेमी हंट (Jeremy Hunt)

55 वर्षीय माजी परराष्ट्र मंत्री 2019 मध्ये पंतप्रधानपदाच्या शर्यतीत बोरिस जॉन्सनच्या मागे दुसऱ्या स्थानावर होते. ते जॉन्सनपेक्षा कमी वादग्रस्त नेतृत्व देशाला देऊ शकतात असा पार्टिचा विश्वास आहे. हंट हे यापूर्वी माजी आरोग्य मंत्री राहिले आहेत. "पंतप्रधान बनण्याची माझी इच्छा पूर्णपणे संपलेली नाही", असेही मागच्या वर्षी जेरेमी हंट म्हणाले होते.

Prime Minister Boris Johnson and Rishi Sunak
आरोग्याच्या तक्रारींमुळे राणी एलिझाबेथची शाही कर्तव्ये कमी

3. बेन वॉलेस (Ben Wallace)

संरक्षण सचिव बेन वॉलेस हे गेल्या काही महिन्यांत सरकारचे सर्वात लोकप्रिय सदस्य म्हणून उदयास आले आहेत. ते याआधी स्वत: एक सैनिक होते आणि त्यांनी उत्तर आयर्लंड, जर्मनी, सायप्रस आणि मध्य अमेरिकेत सेवा बजावली आहे. 1999 मध्ये स्कॉटलंडच्या विसर्जित विधानसभेतून त्यांनी आपल्या राजकीय कारकिर्दीला सुरुवात केली. गेल्या वर्षी अफगाणिस्तानातून ब्रिटीश नागरिकांना बाहेर काढल्याबद्दल आणि युक्रेन युद्धादरम्यान कीवमध्ये शस्त्रे पाठवल्याबद्दल त्यांचे कौतुक झाले आहे.

4. ऋषी सुनक ( Rishi Sunak)

गेल्या वर्षीपर्यंत अर्थमंत्री म्हणून जॉन्सनचे उत्तराधिकारी म्हणून ऋषी सुनक यांना पसंती दिली जात होती. साथीच्या (covid-19) आजाराच्या काळात अर्थव्यवस्था आणि रोजगार कार्यक्रम सुरळीत पार पाडल्यानंतर सुनक यांचे कौतुक करण्यात आले होते. पण अलीकडेच सामान्य माणसाला जगण्यासाठी पुरेसा पैसा उपलब्ध करून न दिल्याबद्दल आणि त्यांच्या श्रीमंत पत्नीचा नॉन-डोमेस्टिक टॅक्स स्टेटस यावरून त्यांच्यावर टीका होत आहे. तसेच, कोविड-19 लॉकडाऊन नियमांचे उल्लंघन केल्यामुळे त्यांना पार्टीगेट प्रकरणात दंड भरावा लागला. सरकारने योग्यपूर्ण आणि गांभीर्याने काम करावे, अशी जनतेची अपेक्षा असल्याचे सांगत त्यांनी मंगळवारी राजीनामा दिला.

5. नधीम जहावी (Nadhim Zahawi)

जेव्हा ब्रिटनला जगातील सर्वात वेगवान कोविड लस मिळाली तेव्हा विद्यमान शिक्षणमंत्र्यांनी लस मंत्री म्हणून ब्रिटनमधील सर्वांना प्रभावित केले. जाहवीची वैयक्तिक आयुष्य इराकमधील निर्वासित म्हणून सुरू होते, जे त्यांना कंझर्व्हेटिव्ह पक्षाच्या इतर दावेदारांपेक्षा वेगळे करते. 2010 मध्ये संसदेत येण्यापूर्वी त्यांनी YouGov नावाची पोलिंग कंपनीही स्थापन केली होती. गेल्या आठवड्यात त्यांनी पंतप्रधान होण्याची इच्छा व्यक्त केली होती.

Prime Minister Boris Johnson and Rishi Sunak
बोरिस जॉन्सन सरकारवर नाराजी; नदिम जहावी नवे अर्थमंत्री तर स्टीव्ह बार्कले नवे आरोग्य सचिव

6. पेनी मॉरडॉन्ट(Penny Mordaunt)

माजी संरक्षण सचिव पेनी यांना जॉन्सन यांनी पंतप्रधानपदाच्या शेवटच्या शर्यतीत त्यांच्या विरोधी हंटला पाठिंबा दिल्यामुळे पंतप्रधान झाल्यावर काढून टाकले होते. मॉर्डोन्टने ब्रिटनच्या युरोपीय संघातून बाहेर पडण्याचे जोरदार समर्थन केले. सध्या त्या कनिष्ठ व्यापार मंत्री म्हणून कार्यरत आहेत. त्यांनी लॉकडाउनचे उल्लंघन करणाऱ्या मंत्र्यांवर टिका केली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com