Jim Mattis:...तर चीन भारतावर हल्ला करू शकतो, अमेरिकेच्या माजी संरक्षण मंत्र्यांनी व्यक्त केली चिंता

रायसीना डायलॉग या कार्यक्रमात जिम मॅटिस बोलत होते.
Jim Mattis
Jim Mattisdainik gomantak

रशिया युक्रेन युद्धावर चीन बारीक लक्ष ठेवून आहे. रशिया जर युक्रेनच्या युद्धात यशस्वी झाले तर चीन LAC वरून भारतावर हल्ला करू शकतो. अशी चिंता अमेरिकेचे माजी संरक्षण मंत्री जिम मॅटिस यांनी व्यक्त केली आहे. रायसीना डायलॉग या कार्यक्रमात जिम मॅटिस बोलत होते.

अमेरिका चीनचा सामना करण्यास तयार आहे का? असा प्रश्न जिम मॅटिस यांना विचारण्यात आला होता. यावर उत्तर देताना मॅटिस यांनी 'चीन तयार आहे यात अजिबात शंका नाही,' असे खोचक उत्तर दिले. तसेच, 'रशिया विरोधात अमेरिका युक्रेनला मदत करत राहील,' असेही त्यांनी यावेळी नमूद केले.

'युक्रेनमध्ये रशियाला यश मिळाले तर चीन भारताविरुद्ध अशी भूमिका का घेणार नाही? चीन या सर्व हलचालींवर बारीक लक्ष ठेवून आहे. असे मॅटिस म्हणाले. रशिया युक्रेनविरोधात तीन आठवड्यात जिंकला असता, पण पाश्चात्य देशांच्या मदतीने युक्रेनने रशियाला माघार घेण्यास भाग पाडले,' असेही मॅटिस यावेळी म्हणाले.

Jim Mattis
Kailasa E-citizenship: हिंदूंना मोफत मिळतेय 'कैलासा' देशाचे नागरिकत्व, नित्यानंद म्हणाले तुम्ही जर...

जिम मॅटिस यांनी अण्वस्त्रांच्या वापराबाबत देखील प्रश्न विचारण्यात आला. मॅटिस म्हणाले की, 'पुतीन यांनी यापूर्वीही याबाबत वक्तव्य केले असल्याचे आम्ही पाहिले आहे. परंतु अण्वस्त्रांवर नियंत्रण ठेवणाऱ्या करारावर पुन्हा बोलायला हवे. दरम्यान, मजबूत भारतच जगात शांतता प्रस्थापित करू शकतो,' असेही जिम मॅटिस म्हणाले.

या कार्यक्रमावेळी भारतीय लष्कराचे सीडीएस जनरल अनिल चौहान आणि ऑस्ट्रेलियन लष्कराचे जनरल एंगस जे कॅम्पबेल हे देखील उपस्थित होते.

रशिया-युक्रेन युद्ध बेकायदेशीर आणि देशाच्या सार्वभौमत्वाचे उल्लंघन असल्याचे ऑस्ट्रेलियन जनरल एंगस म्हणाले.

'युद्धातून अनेक धडे शिकायला मिळत असतात. सर्व जगाला हा नियम लागू होतो असे नाही पण, भारतावर त्याचा काय परिणाम होतो हे पाहणे महत्वाचे ठरते. या लढाईचा सर्वात मोठा धडा म्हणजे आपल्याला स्वावलंबी व्हायचे आहे.' असे भारतीय लष्कराचे सीडीएस जनरल अनिल चौहान म्हणाले.

Jim Mattis
Pakistan: वॉरंट निघाले! माजी पंतप्रधान इम्रान खान कधीही होऊ शकते अटक; घराबाहेर पोलिसांचा फौजफाटा

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com