भारताचा व्हिएतनामसोबत लॉजिस्टिक करार

अमेरिका, फ्रान्स आणि रशिया नंतर, भारताने व्हिएतनामशी (Vietnam) लॉजिस्टिक करार केला आहे. या करारानुसार दोन्ही देशांच्या युद्धनौका, विमाने आदी एकमेकांच्या तळावर राहू शकणार आहेत. हॉल्ट आणि रिफ्यूलिंग म्हणजेच इंधन भरण्यासारख्या सुविधा घेऊ शकाल. भारत आणि व्हिएतनाम आता सामरिक भागीदार झाले आहेत. भारत आणि व्हिएतनाम या दोन देशांसोबतच्या कटु संबंधांमध्ये हा करार अत्यंत महत्त्वाचा मानला जात आहे. (India logistics agreement with Vietnam)

भारताचा चीनसोबत LAC वाद आहे, तर व्हिएतनाममध्ये सागरी सीमांबाबतचा वाद आहे. आणि दोन्ही देशांचे चीनशी युद्ध झाले आहे. भारत आणि व्हिएतनाम यांनी बुधवारी संरक्षण भागीदारीवरील संयुक्त व्हिजन स्टेटमेंटवर स्वाक्षरी केली आहे. व्हिएतनामसोबत भारताचा लॉजिस्टिक करार झाला आहे.

भारत आणि व्हिएतनाम आता सामरिक भागीदार झाले आहेत. संरक्षण मंत्री राजनाथ सिंह (Rajnath Singh) यांनी बुधवारी त्यांचे व्हिएतनामी समकक्ष जनरल फान व्हॅन गियांग यांच्याशी चर्चा केल्यानंतर भारत आणि व्हिएतनाम यांच्यातील द्विपक्षीय संरक्षण सहकार्य वाढविण्यासाठी 'व्हिजन' दस्तऐवजावर स्वाक्षरी केली आहे. दोन्ही देशांमधील सध्याच्या करारामुळे संरक्षण सहकार्याची व्याप्ती लक्षणीयरीत्या वाढणार असल्याचे सांगण्यात येत आहे. भारत आणि व्हिएतनाम या दोन्ही देशांचे चीनशी काहीसे चांगले संबंध नाहीत. अशा परस्थितीत हे काम महत्त्वाचे मानले जात आहे.

हा करार महत्त्वाचा का आहे?

हा करार महत्त्वपूर्ण आहे कारण यामुळे भारतीय युद्धनौका (Indian warships) आणि लष्करी विमानांना (Military aircraft) व्हिएतनामी तळांवर इंधन भरण्याची आणि पुरवठा करण्याची परवानगी मिळणार आहे. दोन्ही देशांच्या युद्धनौका, विमाने आदी एकमेकांच्या तळावर थांबू शकणार आहेत. व्हिएतनाम हा दक्षिण चीन समुद्राच्या प्रादेशिक सीमांकनावरून चीनशी वादात सापडलेल्या सहा देशांपैकीच एक आहे.