Indonesia त फुटबॉल मैदानावर मृत्यूचा नंगा नाच, हिंसाचारात 127 ठार; अनेकजण जखमी

Football Match Violence: इंडोनेशियामध्ये फुटबॉल सामन्यादरम्यान झालेल्या हिंसाचारात 127 जणांचा मृत्यू झाला.
Football
FootballDainik Gomantak

Indonesia Football Match Violence: इंडोनेशियामध्ये फुटबॉल सामन्यादरम्यान झालेल्या हिंसाचारात 127 जणांचा मृत्यू झाला आहे. याशिवाय 160 जणांवर रुग्णालयात उपचार सुरु आहेत. एका संघाने सामना गमावल्यानंतर मोठ्या प्रमाणावर हिंसाचार उसळला.

दरम्यान, एएफपी वृत्तसंस्थेने पोलिसांच्या हवाल्याने ही माहिती दिली आहे. पूर्व जावा येथील सामन्यानंतर संतप्त चाहत्यांनी फुटबॉल मैदानावर हल्ला केला. मृतांमध्ये दोन पोलिसांचाही समावेश आहे. एएफपी वृत्तसंस्थेने पूर्व जावाचे पोलीस प्रमुख निको आफिंटाच्या हवाल्याने सांगितले की, स्टेडियममध्ये 34 लोकांचा मृत्यू झाला आणि बाकीचे रुग्णालयात मरण पावले.

Football
Pakistan: इम्रान खान यांना कधीही होऊ शकते अटक, अरेस्ट वॉरंट जारी

फुटबॉल सामन्यात हिंसाचार का झाला?

इंडोनेशियामध्ये (Indonesia) पर्स्बाया सुराबायाने अरेमा एफसीकडून फुटबॉल सामना 3-2 ने असा जिंकला. त्यानंतर अरेमा एफसीचे हजारो चाहते मैदानात घुसले आणि हिंसाचार सुरु केला. यानंतर स्थानिक पोलीस (Police) आणि इंडोनेशियाच्या राष्ट्रीय सशस्त्र दलाचे कर्मचारीही मैदानात दाखल झाले आणि त्यांनी पर्स्बाया सुराबायाच्या खेळाडूंना संरक्षण दिले.

सुरक्षा कर्मचारी आणि चाहत्यांमध्ये चकमक झाली

मैदानात सुरक्षा दले (Security Forces) आणि चाहते यांच्यात चकमक झाल्याचे वृत्त स्थानिक माध्यमांनी दिले आहे. यादरम्यान चाहत्यांनी सुरक्षा जवानांवर वस्तू फेकण्यास सुरुवात केली. त्यानंतर जमावाला नियंत्रित करण्यासाठी सुरक्षा दलाकडून अश्रूधुराचा वापर करण्यात आला.

Football
Pakistan: इम्रान खानवर होऊ शकते देशद्रोहाची कारवाई, काय संपूर्ण प्रकरण जाणून घ्या

तसेच, पीटी लीगा इंडोनेशिया बारु (LIB) चे अध्यक्ष अखमद हादियान लुकिता यांनी इंडोनेशियातील या हिंसक घटनेवर सांगितले की, 'आम्ही या घटनेबद्दल खूप चिंतित आहोत आणि मनापासून खेद व्यक्त करतो. आणि आशा करतो की हा आपल्या सर्वांसाठी एक धडा असेल.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com