लंडन : ब्रीटनमधील कॉर्नवॉल येथे पार पडत असणाऱ्या जी 7 परिषदेसाठी पंतप्रधान नरेंद्र मोदींना ब्रीटनचे पंतप्रधान बोरिस जॉन्सन यांनी निमंत्रण दिलं आहे. या वर्षाच्या मध्यात म्हणजेच 11 ते 13 जून दरम्यान ब्रिटनच्या अध्यक्षतेखाली या देशांची उच्चस्तरीय बैठक पार पडणार आहे.
गेल्या वर्षीच पाहुणे देश म्हणून दक्षिण कोरिया, ऑस्ट्रेलिया या देशांबरोबर भारताची निवड करण्यात आली होती. त्याची औपचारिक घोषणा रविवारी करण्यात आली आहे. यावर्षी भारतात प्रजासत्ताक दिनाचे प्रमुख पाहुणे म्हणून ब्रीटनचे पंतप्रधान बोरिस जॉन्सन येणार होते. मात्र कोरोनाच्या संकटामुळे त्यांची भारत भेट रद्द करण्यात आली.
जी 7 गटात प्रामुख्याने कॅनडा, जपान, अमेरिका, इटली, जर्मनी, ब्रीटन, फ्रान्स या देशांचा समावेश होतो. या वर्षीच्या बैठकीचा विषय कोरोना महामारी असण्याची शक्यता वर्तवली जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.