Iran: सरकारचा वचक बसावा म्हणून भर चौकात दिली आरोपीला फाशी

इराण देशात सार्वजनिकरित्या फाशीची शिक्षा दिल्याची दोन वर्षांतील ही पहिलीच घटना
Iran Flag
Iran FlagDainik gomantak

इराणमध्ये (Iran) शनिवारी एका व्यक्तीला सार्वजनिकरित्या फाशी देण्यात आली. देशात सार्वजनिकरित्या (Public Execution) फाशीची शिक्षा देण्याची ही दोन वर्षांतली पहिलीच घटना आहे. नॉर्वेस्थित एनजीओ इराण ह्युमन राइट्स (Iran Human Rights-IHR) ने सांगितले की, फेब्रुवारी 2022 मध्ये दक्षिणेकडील शिराझ (Shiraz) शहरात एका पोलीस अधिकाऱ्याच्या हत्येप्रकरणी दोषी ठरलेल्या इमान सब्जीकरला पहाटे फाशी देण्यात आली.

न्यूज एजन्सी एएफपीच्या म्हणण्यानुसार, एनजीओने म्हटले आहे की इराणच्या माध्यमांनी सार्वजनिकरित्या फाशीची बातमी दिली होती. या महिन्याच्या सुरुवातीला सुप्रीम कोर्टाने सब्जीकरच्या फाशीच्या शिक्षेला जाहीरपणे पुष्टी दिली होती. आयएचआरचे संचालक महमूद अमीरी-मोगद्दम म्हणाले, "ही क्रूर शिक्षा सार्वजनिकपणे देण्याचा उद्देश लोकांना निषेध करण्यापासून घाबरवणे आहे हा आहे."

Iran Flag
अमेरिकन हिंसाविरोधी कार्यकर्त्याच्या अंत्यसंस्कारात गोळीबारात 3 जखमी, शंकेला उधाण

सोशल मीडियावर व्हायरल होत असलेल्या प्रतिमा सोशल मीडियावर व्हायरल होत असलेल्या प्रतिमांमध्ये इराणच्या मानक फिकट निळ्या आणि काळ्या पट्टेदार तुरुंगातील कपडे घातलेला एक माणूस ट्रकवर क्रेनला जोडलेल्या दोरीवर जमिनीपासून कित्येक मीटर उंच लटकलेला दाखवण्यात आला. इराणमध्ये फाशीची शिक्षा सामान्यतः तुरुंगाच्या आतच दिली जाते.

शेवटची सार्वजनिक फाशी 2020 मध्ये देण्यात आली होती. IHR ने सांगितले की शेवटची सार्वजनिक फाशी 11 जून 2020 रोजी देण्यात आली होती. स्वयंसेवी संस्थेचे म्हणणे आहे की पोलीस अधिकाऱ्यांच्या हत्येच्या प्रकरणात ती फाशीची शिक्षा सुनावण्यात आली होती आणि आता आणखी चार जणांना ही शिक्षा होण्याची शक्यता आहे.

Iran Flag
देशात Monkeypox चे एकूण 4 रूग्ण, दिल्लीत आढळला आणखी एक रूग्ण

अलिकडच्या आठवड्यात, इराणमधील वाढत्या क्रॅकडाऊनबद्दल कार्यकर्त्यांनी चिंता व्यक्त केली आहे. कारण देश आर्थिक संकटामुळे (Economic Crisis) असामान्य निषेध पाहत आहे. प्रसिद्ध चित्रपट दिग्दर्शक आणि इतर विचारवंतांना अटक करण्यात आली आहे. IHR ने म्हटले आहे की 2021 च्या तुलनेत 2022 मध्ये फाशीची संख्या वर्षाच्या पहिल्या सहामाहीत दुप्पट झाली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com