भारतात कम्युनिस्ट विचारसरणीचा प्रसार करतोय चीन?

चीनचे (China) राष्ट्राध्यक्ष शी जिनपिंग यांचे पुस्तकही हिंदी भाषेत प्रकाशित झाले आहे.
भारतात कम्युनिस्ट विचारसरणीचा प्रसार करतोय चीन?
President Xi JinpingDainik Gomantak

चीन (China) भारताबरोबर सीमेवर लढत असताना आता विचारसरणीच्या (Communist Ideology) माध्यमातून भारतात हातपाय पसरण्याचा प्रयत्न करु लागला आहे. याच पाश्वभूमीवर आता चीनचे राष्ट्राध्यक्ष शी जिनपिंग यांचे पुस्तकही हिंदी (Hindi) भाषेत प्रकाशित झाले आहे. चीनला आपली कम्युनिस्ट विचारसरणी भारतात (India) पसरवायची आहे, असे मानले जात आहे. मध्य आशियाई देशांतील इतर अनेक भाषांमध्येही हे पुस्तक प्रकाशित झाले आहे. हे पुस्तक चीनमधील शासनासंबंधी शी यांच्या तत्त्वांवर प्रकाश टाकते. चीनची अधिकृत वृत्तसंस्था शिन्हुआने दिलेल्या माहितीनुसार, 'शी जिनपिंग: द गव्हर्नन्स ऑफ चायना'' (Xi Jinping: The Governance of China) चा पहिला खंड हिंदी, पश्तो, दारी, सिंहली आणि उझबेक भाषांमध्ये प्रकाशित करण्यात आला आहे.

एजन्सीनुसार, बुधवारी शांघाय कोऑपरेशन ऑर्गनायझेशन (SCO) मध्ये एका समारंभात ही माहिती देण्यात आली आहे. गेल्या अनेक वर्षांपासून हे पुस्तक मंदारिन (Mandarin) व्यतिरिक्त इंग्रजीसह अनेक भाषांमध्ये प्रकाशित होत आहे. 2012 मध्ये सत्तेवर आल्यापासून, 68 वर्षीय शी जिनपिंग हे माओ झेडोंगच्या (Mao Zedong) धर्तीवर एक प्रमुख नेते म्हणून उदयास आले आहेत. माओ हे सत्ताधारी कम्युनिस्ट पार्टी ऑफ चायना (CPC) चे संस्थापक होते. शी यांनी नव्या युगात चिनी वैशिष्ट्यांसह समाजवाद नावाच्या नवीन वैचारिक भूमिकेचा पुरस्कार केला आहे.

President Xi Jinping
इस्रायलला मोठा धक्का, संरक्षणमंत्र्यांच्या घरापर्यंत पोहोचले इराणी हेर !

शी यांची सत्तेवरील पकड मजबूत झाली

गेल्या आठवड्यात शी जिनपिंग यांची सत्तेवरील पकड मजबूत झाली आहे. त्यावेळी सीपीसीची बैठक आयोजित करण्यात आली होती. अशा स्थितीत पुढील वर्षी शी जिनपिंग सलग तिसऱ्यांदा राष्ट्राध्यक्ष म्हणून कार्यकाळ सुरु करु शकतात, असे मानले जात आहे. न्यूझीलंडस्थित चिनी इतिहासकार जेरेमी आर. बर्मे म्हणतात की, सीपीसीची बैठक कम्युनिस्ट पक्ष आणि शी जिनपिंग (The Governance of China Book) यांच्या दीर्घकालीन सत्तेशी संबंधित आहे. भूतकाळात झालेला विकास लक्षात घेऊन भविष्यात पक्षाला त्यांच्यासाठी पाठिंबा वाढवायचा आहे. या बैठकीत ऐतिहासिक ठराव मंजूर करण्यात आला. जो इतिहासाच्या कामांशी कमी आणि भविष्यातील नेतृत्वाशी जास्त निगडीत आहे.

भ्रष्टाचार-गरिबीवर केले काम

गेल्या दशकात शी जिनपिंग हे चीनचे मोठे नेते म्हणून उदयास आले आहेत. त्यांनी देशातील भ्रष्टाचार निर्मूलन आणि गरिबी (Poverty in China) साठी उल्लेखनीय कार्य केले आहे. चीनची ताकद जगाला दाखवण्यासाठी शी जिनपिंग यांनाही देशात मोठ्या प्रमाणावर पाठिंबा मिळत आहे. असे असूनही, असे मानले जात आहे की पक्षात शी यांच्या विरोधात काम करणारे नेते त्यांना कोरोना महामारी (China Coronavirus Pandemic) आणि अमेरिकेशी बिघडलेले संबंध यासारख्या मुद्द्यांवर लक्ष्य करु शकतात.

Related Stories

No stories found.
Dainik Gomantak | दैनिक गोमन्तक
www.dainikgomantak.com