Israeli Airstrikes: गाझा पट्टीत पॅलेस्टिनी इस्लामिक जिहादींवर इस्रायलचे हवाई हल्ले सुरूच

Israeli airstrikes on Gaza Strip: या हल्लात आतापर्यंत 24 जणांचा मृत्यू झाल्याची माहिती मिळाली असुन त्यात लहान मुले आणि महिलांचा समावेश आहे.
Israeli airstrikes on Gaza Strip
Israeli airstrikes on Gaza StripTwitter

इस्रायलने गाझा पट्टीवर पुन्हा एकदा हवाई हल्ले केले आहे. अजूनही त्यांचे हल्ले सातत्याने सुरूच आहे. इस्रायलच्या हल्ल्यात मृतांची संख्या वाढली आहे. पॅलेस्टाईन एन्क्लेव्हच्या आरोग्य मंत्रालयाने पॅलेस्टिनी चळवळ इस्लामिक जिहादच्या विरोधात इस्रायलने केलेल्या हवाई हल्ल्यात किमान 24 लोक ठार आणि 203 जखमी झाल्याची माहिती दिली आहे. पॅलेस्टिनी आरोग्य मंत्रालयाने शनिवारी सांगितले की, "गाझा पट्टीमध्ये इस्रायलच्या हवाई हल्ल्यांमुळे सहा मुले आणि महिलांसह 24 लोक ठार झाले आणि 203 लोक जखमी झाले." (Israeli airstrikes on Gaza Strip)

याआधी शुक्रवारी पॅलेस्टिनी आरोग्य मंत्रालयाने पुढे सांगितले की, इस्रायलच्या संरक्षण दलाने गाझा पट्टीमध्ये इस्लामिक जिहाद चळवळीवर हवाई हल्ले करून ब्रेकिंग डॉन ऑपरेशन सुरू केले आहे. ज्यामुळे सुरुवातीला 10 लोक मारले गेले आणि 50 लोक जखमी झाले.

Israeli airstrikes on Gaza Strip
US Court: भारतीय-अमेरिकन वकील रूपाली देसाई यांची न्यायाधीश म्हणून नियुक्ती

* पॅलेस्टिनी इस्लामिक जिहाद चळवळीच्या नेत्याने ही धमकी दिली

वृत्तानुसार, पॅलेस्टिनी इस्लामिक जिहाद चळवळीचा नेता झियाद नखालाह याने इस्रायलच्या हवाई हल्ल्याला तेल अवीववर क्षेपणास्त्र हल्ला करून प्रत्युत्तर देण्याची धमकी दिली आहे. आणीबाणी लागू केल्यानंतर इस्रायलने क्षेपणास्त्र हल्ले लांबणीवर टाकले होते. मात्र या काळात ते गाझा पट्टीवर सातत्याने नवनवीन हल्ले करत आहेत. इस्रायलने पॅलेस्टाईन इस्लामिक जिहाद चळवळीशी संबंधित लोकांना दहशतवादी म्हटले आहे. ताज्या माहितीनुसार, इस्रायली हवाई दल गाझा पट्टीतील इस्लामिक जिहाद आंदोलकांच्या बोगद्यांवर हवाई हल्ले करत आहे. यापूर्वीही इस्रायल आणि पॅलेस्टाईनमध्ये बराच तणाव निर्माण झाला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com