Russia-Ukraine War: 'अचानक', अमेरिकेची फर्स्ट लेडी युध्दग्रस्त युक्रेनमध्ये !

अमेरिकेचे (America) राष्ट्राध्यक्ष जो बायडन यांच्या पत्नी जिल बायडन रविवारी अचानक पश्चिम युक्रेनला पोहोचल्या.
Russia-Ukraine War: 'अचानक', अमेरिकेची फर्स्ट लेडी युध्दग्रस्त युक्रेनमध्ये !
Jill BidenDainik Gomantak

अमेरिकेचे राष्ट्राध्यक्ष जो बायडन यांच्या पत्नी जिल बायडन रविवारी अचानक पश्चिम युक्रेनला पोहोचल्या. इथे त्यांनी युक्रेनचे राष्ट्राध्यक्ष वोलोडिमिर झेलेन्स्की यांच्या पत्नी ओलेना झेलेन्स्की यांची भेट घेतली. जिल यांनी ओलेना यांना सांगितले की, मला मदर्स डे ला इथे यायचे होते. अमेरिकेतील (America) जनता तुमच्या पाठीशी खंभीरपणे उभी आहे. युक्रेनच्या (Ukraine) सीमेला लागून असलेल्या स्लोव्हाकियामधील एका गावात असलेल्या शाळेत राष्ट्रप्रमुखांच्या पत्नी भेटल्या. त्यांनी एका छोट्या वर्गात बसून एकमेकींशी वार्तालाप केला. जिल युक्रेनमध्ये तब्बल दोन तास थांबल्या. (Jill Biden wife of US President Joe Biden visited Ukraine)

Jill Biden
Russia Ukraine War: रशियाचे युक्रेनवर सायबर हल्ले

दरम्यान, ओलेना यांनी जिल यांचे आभार मानले. ओलेना यांनी यावेळी म्हटले की, 'युद्धादरम्यान अमेरिकेच्या फर्स्ट लेडीचे इथे येण्याचे महत्त्व आपण समजू शकतो. दुसरीकडे, रशियन सैन्यांचे हल्ले अजूनही सुरु आहेत. हल्ले सुरु असताना अमेरिकेच्या फर्स्ट लेडीचे युक्रेनमध्ये दाखल होणं हे खरचं धाडसी पाऊल आहे.'

तसेच, मार्चच्या सुरुवातीला, पोलंड भेटीदरम्यान जो बायडन म्हणाले होते की, 'सुरक्षेच्या कारणास्तव परवानगी न मिळाल्याने मी युक्रेनला जाऊ शकलो नाही, याबद्दल खंत आहे.' अलीकडेच, व्हाईट हाऊसने सांगितले की, 'राष्ट्राध्यक्षांना युक्रेनला जाऊ शकतात, परंतु सध्या त्याबाबत कोणतीही योजना नाही.'

कॅनडाचे पंतप्रधान जस्टिन ट्रूडो अचानक युक्रेनमध्ये पोहोचले

त्याचवेळी, कोणत्याही पूर्वनियोजित कार्यक्रमाशिवाय युक्रेनमध्ये पोहोचलेले कॅनडाचे पंतप्रधान जस्टिन ट्रूडो (Justin Trudeau) यांनी उद्ध्वस्त झालेल्या इरपिन शहराला भेट दिली. युक्रेनचे मीडिया इन्स्टिट्यूट आणि इरपिनचे महापौर ऑलेक्झांडर मार्कुशिन यांनी ही माहिती दिली आहे. तथापि, कॅनडाच्या (Canada) अधिकार्‍यांनी ट्रुडो यांच्या भेटीबाबत अद्याप कोणतीही प्रतिक्रिया दिलेली नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com