गोळीबाराच्या घटनेवर बायडेन यांनी व्यक्त केला शोक, 'हिंसेविरुध्द संघर्ष सुरु राहणार'

त्यांनी यूएसमध्ये बंदुकीची हिंसा संपवण्यासाठी संघर्ष सुरू ठेवण्याचा संकल्प केला.
Joe Biden Statement on Chicago shooting incident
Joe Biden Statement on Chicago shooting incident Dainik Gomantak

राष्ट्राध्यक्ष जो बायडेन यांनी सोमवारी शिकागो उपनगरात 4 जुलैच्या स्वातंत्र्यदिनाच्या परेडमध्ये झालेल्या जीवघेण्या गोळीबाराबद्दल दु:ख व्यक्त केले. त्यांनी यूएसमध्ये बंदुकीची हिंसा संपवण्यासाठी संघर्ष सुरू ठेवण्याचा संकल्प केला.

इलिनॉयच्या हायलँड पार्कच्या उत्तरेकडील उपनगरातील यूएस स्वातंत्र्यदिनाच्या परेडमध्ये झालेल्या गोळीबारात सहा जण ठार झाले आणि 24 जणांना रुग्णालयात दाखल करण्यात आले.

Joe Biden Statement on Chicago shooting incident
Australia Census: हिंदू लोकसंख्येमध्ये झपाट्याने होतेय वाढ

"जिल (पत्नी) आणि मी या स्वातंत्र्यदिनी अमेरिकन समुदायाला पुन्हा एकदा दु:ख देणार्‍या बंदुकीच्या हिंसाचाराने हैराण झालो आहोत," बायडेन यांनी एका निवेदनात म्हटले आहे. बायडेन म्हणाले, "मी बंदुकीच्या हिंसाचाराच्या विरोधातील लढा संपवणार नाही."

एका बंदूकधाऱ्याने टेरेसवर लपलेल्या जागेवरून गोळीबार केला. संशयित अद्याप फरार आहेत. अलीकडच्या काळात अमेरिकेत सामूहिक गोळीबाराच्या अनेक घटना घडल्या आहेत. स्वातंत्र्यदिनाच्या परेडचे गोळीबार ही दुर्दैवी घटनांमधली ताजी घटना आहे.

बंदूक नियंत्रणाची मागणी तीव्र होत आहे

मे महिन्यात झालेल्या दोन हत्याकांडानंतर अमेरिकेत बंदूक नियंत्रणाची मागणी जोरात होत आहे. 24 मे रोजी टेक्सासमधील एका प्राथमिक शाळेत झालेल्या गोळीबारात 21 जणांचा मृत्यू झाला होता, ज्यात बहुतांश लहान मुले होती. 14 मे रोजी न्यूयॉर्कमधील बफेलो येथील एका सुपरमार्केटमध्ये झालेल्या गोळीबारात 10 कृष्णवर्णीयांचा मृत्यू झाला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com