Johnson & Johnson: कोरोना व्हॅक्सीनचे 15 दशलक्ष डोस गेले वाया

गोमन्तक वृत्तसेवा

शुक्रवार, 2 एप्रिल 2021

जगातील सर्व देश कोरोना लसीसाठी संघर्ष करत आहेत, त्यावेळी अमेरिकेच्या एका कारखान्यात जॉनसन आणि जॉन्सनच्या लसीचे 15 दशलक्ष डोस वाया गेले आहेत.

वॉशिंग्टन: जगातील सर्व देश कोरोना लसीसाठी संघर्ष करत आहेत, त्यावेळी अमेरिकेच्या एका कारखान्यात जॉनसन आणि जॉन्सनच्या लसीचे 15 दशलक्ष डोस वाया गेले आहेत. ही एकल-शॉट लस तयार करणार्‍या फार्मास्युटिकल कंपनीचा असा दावा आहे की, इमर्जंट बायोसोल्यूशन्सद्वारे संचालित बाल्टिमोर प्लांटमध्ये अधिकाऱ्यांना लसींचा एक तुकडा सापडला जो दर्जेदार निकषांची पूर्तता करणारा नव्हता. त्यामुळे ते डोज नष्ट करण्यात आले.

या प्रश्नाचे उत्तर नाही
डब्ल्यू.आय.ओ.एन. मध्ये प्रसिद्ध झालेल्या वृत्तानुसार, कंपनीचा असा दावा आहे की लसची तुकडी त्याच्या उत्पादनाच्या प्रक्रियेस अनुकूल नव्हती. कंपनीने या डोज संबधी अचूक कारणीची खातरजमा केली नाही. तरीही असे मानले जाते की सुमारे लसीचे 15 दशलक्ष डोस वाया गेले आहेत.

त्याच वेळी, यूएस एफडीएचे म्हणणे आहे की सध्या परिस्थितीबद्दल त्यांना माहिती आहे आणि फार्मा कंपनीच्या मते ते एक आवश्यक पाऊल होते, कारण गुणवत्ता आणि सुरक्षा ही त्याची सर्वोच्च प्राधान्य आहे. दरम्यान, जॉन्सन अँड जॉनसन यांनी कोरोना लसीच्या उत्पादनाच्या प्रक्रियेवर देखरेखीसाठी आणि आवश्यक ती मदत पुरवण्यासाठी तज्ञांचे एक पथक त्या जागेवर पाठविण्याचा निर्णय घेतला आहे.

लक्ष्य पूर्ण होण्याची अपेक्षा
अशा मोठ्या प्रमाणात लसी नष्ट करणे ही कंपनीच्या उत्पादन दराला मोठा धक्का आहे. कंपनीला आशा आहे की या वर्षाच्या अखेरीस त्यांचे लक्ष्य पूर्ण होईल. जॉन्सन अँड जॉनसन यांनी जारी केलेल्या निवेदनात म्हटले आहे की, "आम्ही 2021 च्या अखेरीस एक अब्जाहून अधिक डोस विकसित करण्याचे आमचे लक्ष्य पूर्ण करू".