Christian Population: इंग्लडच्या इतिहासात पहिल्यांदाच ख्रिश्चनांची लोकसंख्या एकूण लोकसंख्येच्या निम्मी झाली आहे. इंग्लड आणि वेल्समध्ये नुकत्याच झालेल्या जनगणनेनुसार ख्रिश्चनांची लोकसंख्या 13 टक्क्यांपेक्षा कमी दर्शवली गेली आहे. दुसरीकडे मात्र, हिंदू आणि मुस्लीम धर्मीयांच्या लोकसंख्येत वाढ झाल्याचे दिसून आले आहे. त्याचबरोबर धर्म न मानणाऱ्यांच्या संख्येतही वाढ झाली आहे.
दरम्यान, ऑफिस फॉर नॅशनल स्टॅटिस्टिक्स (ONS) 2021 च्या जनगणनेत पहिल्यांदाच इंग्लड आणि वेल्समधील अर्ध्यापेक्षा कमी लोकांनी स्वत:चा धर्म ख्रिश्चन (Christian) म्हणून उल्लेख केला आहे. मागच्या म्हणजेच 2011 च्या जनगणनेत 59.3 टक्के ख्रिश्चन होते. तेच प्रमाण आता 46.2 टक्क्यांवर (2.75 कोटी) आले आहे. म्हणजेच, ख्रिश्चनांच्या लोकसंख्येत 13.1 टक्क्यांची घसरण झाली आहे. त्याचबरोबर 2011 मध्ये मुस्लीम धर्मीयांची लोकसंख्या 4.9 टक्के इतकी म्हणजेच 27 लाख होती. ती आता वाढून 6.5 टक्के इतकी म्हणजेच 39 लाख झाली आहे.
दुसरीकडे, हिंदूच्या (Hindu) लोकसंख्येत सुद्धा वाढ झाल्याचे दिसून आले आहे. 2011 च्या जनगणनेनुसार 1.5 टक्क्यांवरुन 1.7 टक्क्यांनी वाढली आहे. महत्वाचे म्हणजे, कोणताच धर्म न मानणाऱ्यांची लोकसंख्या 37.2 टक्के झाली आहे, जी एक चतुर्थांशपेक्षा जास्त आहे.
तसेच, दर दहा वर्षानंतर ऑफिस फॉर नॅशनल स्टॅटिस्टिक्स द्वारा जनगणना केली जाते. ऑफिस फॉर नॅशनल स्टॅटिस्टिक्सच्या रिपोर्टनुसार, शीखांच्या लोकसंख्येतदेखील वाढ झाली आहे. 2011 मध्ये जवळजवळ 4 लाख 23 हजार लोकसंख्या होती ती आता 5 लाख 24 हजार झाली आहे. इंग्लड आणि वेल्समध्ये बौद्ध धर्मीयांच्या लोकसंख्येत सुद्धा वाढ झाली आहे. 2011 मध्ये 0.4 टक्के असणारी लोकसंख्या 0.5 टक्के झाली आहे. मात्र यहुदींच्या लोकसंख्येत कोणताही बदल झाला नसल्याचे ऑफिस फॉर नॅशनल स्टॅटिस्टिक्स रिपोर्ट्समधून स्पष्ट झाले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
