America News: अमेरिकेतील एका कॉलेज कॅम्पसमध्ये झालेल्या गोळीबारानंतर लॉकडाऊन लागू करण्यात आला आहे.
कॅम्पसमधील विद्यार्थ्यांसाठी आयोजित वार्षिक पार्टी दरम्यान गोळीबार झाल्यानंतर शनिवारी सकाळी पोर्टलँड, मेनमधील एका महाविद्यालयाने कॅम्पसमध्ये लॉकडाऊन लागू केला.
अमेरिकेतील तरुण असो की विद्यार्थी, गोळीबाराची प्रकरणे सातत्याने समोर येत आहेत. गोळीबाराच्या अशा वारंवार घडणाऱ्या घटनांमुळे बायडन प्रशासनही चिंतेत आहे.
दरम्यान, कॉलेज कॅम्पसमध्ये झालेल्या गोळीबाराच्या ताज्या प्रकरणात, कोल्बी कॉलेजने सांगितले की, वॉटरव्हिल, मेन येथील अल्फॉन्ड सीनियर अपार्टमेंटमध्ये झालेल्या वादात गोळीबार झाला.
मात्र, कोणत्याही विद्यार्थ्याला (Student) गंभीर दुखापत झाल्याचे वृत्त नाही. मात्र, गोळीबार करणारा संशयित कॉलेजचा नसल्याचे कॉलेज प्रशासनाचे म्हणणे आहे. याप्रकरणी पोलीस (Police) कसून तपास करत आहेत.
याआधी, अमेरिकेतील मिसिसिपी येथील टेट काउंटीमधील अर्काबुतला नगर येथे वेगवेगळ्या ठिकाणी 6 जणांची गोळ्या झाडून हत्या करण्यात आली होती.
अधिकार्‍यांनी एका व्यक्तीवर हत्येचा आरोप केला आणि हत्येचा आरोप असलेल्या व्यक्तीला अटक केल्याचे सांगितले. बेली मार्टिन, मिसिसिपी डिपार्टमेंट ऑफ पब्लिक सेफ्टीचे प्रवक्ते यांनी अर्काबुतला, टेट काउंटीमधील हत्येची पुष्टी केली.
अमेरिकेतील टेक्सासमध्ये नुकतीच गोळीबाराची घटना घडली. या घटनेत एकाचा मृत्यू तर 3 जण जखमी झाले.
स्थानिक पोलिसांनी दिलेल्या माहितीनुसार, टेक्सासमधील एल पासो येथील एका शॉपिंग मॉलमध्ये झालेल्या गोळीबारात एकाचा मृत्यू झाला असून तीन जण जखमी झाले आहेत. गोळीबार झाल्याने मॉलमध्ये घबराट पसरल्याचे पोलिसांनी सांगितले.
पोलिस प्रवक्ते रॉबर्ट गोमेझ यांनी सांगितले की, एका संशयिताला ताब्यात घेण्यात आले आहे. येथे 3 ऑगस्ट 2019 रोजी एका बंदूकधाऱ्याने 23 जणांची हत्या केली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
