Pakistan Politics: पाक निवडणूक आयोगाची मोठी कारवाई, 271 खासदार अन् आमदार निलंबित, काय आहे नेमकं प्रकरण?

पाकिस्तानच्या निवडणूक आयोगाने मोठी कारवाई करत देशभरातील 271 खासदार आणि आमदारांचे सदस्यत्व निलंबित केले आहे.
Pakistan Parliament | Pakistan Political Crisis
Pakistan Parliament | Pakistan Political CrisisDainik Gomantak

Pakistan Political Crisis: पाकिस्तानच्या निवडणूक आयोगाने मोठी कारवाई करत देशभरातील 271 खासदार आणि आमदारांचे सदस्यत्व निलंबित केले आहे. या खासदार-आमदारांवर भांडवल आणि देणी जमा न केल्याने ही कारवाई करण्यात आली आहे.

दरम्यान, आर्थिक विवरणपत्रे दरवर्षी 31 डिसेंबरपर्यंत दाखल केली जातात आणि पाकिस्तानच्या निवडणूक आयोगाने (ECP) खासदार आणि आमदारांना 30 जून 2022 पर्यंत त्यांचा लेखा-जोखा 16 जानेवारी 2023 पर्यंत सादर करण्याचे निर्देश दिले होते. दुसरीकडे, असे न करणाऱ्यांचे सदस्यत्व निलंबित करण्यात येईल, असा इशाराही खासदार, आमदारांना (MLA) देण्यात आला होता.

Pakistan Parliament | Pakistan Political Crisis
Pakistan: 'वाटलं तर गवताच्या भाकरी खाऊ...' भुट्टोचे ते विधान आणि आज मुठभर पीठासाठी पाकमध्ये मारामारी

राष्ट्रीय असेंब्लीच्या 136 सदस्यांवर कारवाई

ईसीपीने सोमवारी सांगितले की, नॅशनल असेंब्लीचे 136 सदस्य, 21 सिनेटर्स आणि प्रांतीय असेंब्लीचे 114 सदस्य निलंबित करण्यात आले आहेत. 'डॉन' वृत्तपत्राने मंगळवारी वृत्त दिले की, गेल्या वर्षी नॅशनल असेंब्लीच्या 35 सदस्यांनी आणि तीन सिनेटर्संनी 16 जानेवारीच्या अंतिम मुदतीपर्यंत आर्थिक विवरणपत्रे दाखल केली नाहीत. अहवालानुसार, यावर्षी तहरीक-ए-इन्साफ (PTI) नेत्यांच्या राजीनाम्यामुळे ही संख्या तुलनेने जास्त होती.

Pakistan Parliament | Pakistan Political Crisis
Pakistan Crisis: कंगाल पाकिस्तानात पैशाचा पाऊस, लग्नातील उधळपट्टी पाहून...

पंजाब विधानसभेच्या एकाही सदस्याचा या यादीत समावेश नाही

ECP ने जारी केलेल्या यादीनुसार, निलंबित सदस्यांमध्ये पंजाब प्रांतीय असेंब्लीचा (MPA) एकही सदस्य नाही. कारण पंजाब प्रांतीय विधानसभा यापूर्वीच विसर्जित करण्यात आली आहे.

नॅशनल असेंब्लीचे सदस्य आणि सिनेटर्स व्यतिरिक्त सिंध प्रांतीय असेंब्लीचे 48 सदस्य, खैबर पख्तूनख्वा प्रांतीय असेंब्लीचे 54 सदस्य आणि बलुचिस्तान (Balochistan) प्रांतीय असेंब्लीचे 12 सदस्य निलंबित करण्यात आले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com