''इम्रान खान अन् पत्नी बुशरा बीबीने घेतली सहा अब्जांची लाच''

पाकिस्तानचे पंतप्रधान इम्रान खान (Imran Khan) यांच्या सरकारवर अविश्वास प्रस्तावाची टांगती तलवार आहे.
Imran Khan
Imran KhanDainik Gomantak

पाकिस्तानचे पंतप्रधान इम्रान खान यांच्या सरकारवर अविश्वास प्रस्तावाची टांगती तलवार आहे. खान यांच्या अडचणी एकापाठोपाठ वाढतच चालल्या आहेत. इम्रान खान सरकार यांच्या विरोधात विरोधकांनी अविश्वास प्रस्ताव आणला असतानाच आता त्यांच्यावर लाच घेतल्याचा आरोप करण्यात आला आहे. अविश्वास प्रस्तावामुळे त्यांची खुर्ची आधीच धोक्यात आली आहे. दुसरीकडे, लाच घेतल्याच्या आरोपामुळे त्यांच्या राजकीय कारकिर्दीला मोठा डाग लागू शकतो. पाकिस्तान मुस्लिम लीग-नवाज (PML-N) च्या उपाध्यक्षा मरियम नवाज (Maryam Nawaz) यांनी इम्रान खान (Imran Khan) यांच्यावर लाच घेतल्याचा आरोप केला आहे.

दरम्यान, मरियम नवाझ यांनी शनिवारी पंतप्रधान इम्रान खान आणि त्यांची पत्नी बुशरा बीबी यांच्यावर सहा अब्ज पाकिस्तानी रुपयांची लाच घेतल्याचा आरोप केला आहे. विशेष म्हणजे हा सर्वात मोठा घोटाळा असल्याचे म्हटले जात आहे. पाकिस्तानचे (Pakistan) तीन वेळा पंतप्रधान राहिलेले नवाझ शरीफ यांच्या कन्येने लाहोरमधील मॉडेल टाऊनमध्ये आपल्या कार्यकर्त्यांना संबोधित करताना हे आरोप केले. त्याचवेळी गृहमंत्री शेख रशीद यांनी म्हटले आहे की, पंतप्रधान इम्रान यांच्याविरोधातील अविश्वास प्रस्तावावर नॅशनल असेंब्लीत मतदान 3 किंवा 4 एप्रिलला होण्याची शक्यता आहे.

Imran Khan
पाकिस्तानमध्ये बंडखोर खासदारांचे रस्त्यावर शक्तीप्रदर्शन

काय म्हणाल्या मरियम नवाज?

मरियम म्हणाल्या, “मी फराहचे नाव घेत आहे, (Bushra Bibi's friend) जिने बदल्या आणि नियुक्तींमध्ये लाखो रुपये घेतले आहेत. आणि विशेष म्हणजे ही प्रकरणे थेट बनीगाला (With Prime Minister Khan's residence) संबंधित आहेत. पाकिस्तान तहरीक-ए-इन्साफच्या नेतृत्वाखालील सरकार अविश्वास प्रस्तावाद्वारे पदच्युत केल्यानंतर भ्रष्टाचाराची आणखी प्रकरणे समोर येतील. शनिवारी मरियम यांनी लाहोर ते इस्लामाबादपर्यंत त्यांच्या पक्षाच्या भ्रष्टाचारविरोधी मोर्चाचे नेतृत्व केले.'' इम्रान खान यांच्यावर जोरदार हल्ला चढवताना मरियम म्हणाल्या, "इमरान खान यांच्या नेतृत्वाखालील सरकारमधील बदल्या आणि नियुक्त्यांसाठी हा सहा अब्ज रुपयांचा सर्वात मोठा घोटाळा आहे. आणि त्याचा थेट संबंध बनीगालाशी आहे."

Imran Khan
खासदारांचे निलंबन रद्द करा काँग्रेसचे संसदेबाहेर निदर्शन

शिवाय, पीएमएल-एनच्या उपाध्यक्षा मरियम म्हणाल्या, येत्या काही दिवसांत धक्कादायक पुरावे समोर येतील. सत्तेतून बाहेर पडताच आपली 'चोरी' पकडली जाण्याची भीती इम्रान खान यांना आहे. इम्रान खान यांची तिसरी पत्नी बुशरा बीबी, जिला 'बुशरा रियाझ' म्हणूनही ओळखले जाते. मरियम पुढे म्हणाल्या, "आम्हाला माहित आहे की, इम्रान खान सरकार वाचवण्यासाठी बनीगाला इथून जादूटोणा सुरु आहे, परंतु यामुळे कोणतीही मदत होणार नाही.''

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com