Canada: कॅनडात राहणाऱ्या भारतीयांसाठी परराष्ट्र मंत्रालयाकडून अ‍ॅडव्हायझरी जारी

Indians In Canada: कॅनडातील भारतीय नागरिक आणि विद्यार्थ्यांसाठी अ‍ॅडव्हायझरी जारी करण्यात आली आहे.
Flag
FlagDainik Gomantak

Indian Students in Canada: कॅनडातील भारतीय नागरिक आणि विद्यार्थ्यांसाठी अ‍ॅडव्हायझरी जारी करण्यात आली आहे. परराष्ट्र मंत्रालयाने शुक्रवारी सांगितले की, 'कॅनडामध्ये द्वेषपूर्ण गुन्हे, वांशिक हिंसाचार आणि भारतविरोधी कारवायांसंबंधीच्या घटनांमध्ये झपाट्याने वाढ झाली आहे, त्यामुळे तिथे राहणाऱ्या भारतीय नागरिकांना आणि विद्यार्थ्यांना सतर्क राहण्याचा सल्ला देण्यात आला आहे.'

अ‍ॅडव्हायझरीमध्ये म्हटले की, 'परराष्ट्र व्यवहार मंत्रालय आणि भारतीय उच्चायुक्तांनी हा मुद्दा कॅनडा (Canada) सरकारकडे उचलून धरला आहे. देशात घडत असलेल्या घटनांवर कारवाई करण्याची मागणीही केली आहे, परंतु या घटनांसाठी जबाबदार असलेल्यांना दोषी ठरवणे बाकी आहे.'

Flag
Canada Shootout: कॅनडा येथील गोळीबारात भारतीय विद्यार्थ्याचा मृत्यू

'दक्ष राहा आणि सतर्क राहा'

"अशा गुन्ह्यांची वाढती प्रकरणे लक्षात घेता, भारतीय नागरिक, विद्यार्थी (Students) आणि कॅनडामध्ये प्रवास/शिक्षणासाठी जाणाऱ्यांना दक्ष आणि सतर्क राहण्याचा सल्ला देण्यात आला आहे."

येथे नोंदणी करा

अ‍ॅडव्हायझरीमध्ये पुढे असेही म्हटले आहे की, 'कॅनडातील भारतीय नागरिक आणि विद्यार्थी ओटावा येथील भारतीय उच्चायुक्तालयात किंवा टोरंटो आणि व्हँकुव्हरच्या कॉन्सुलेट जनरलच्या संबंधित वेबसाइटवर नोंदणी किंवा 'MADAD पोर्टलवर (MADAD) नोंदणी करु शकता. त्यात पुढे म्हटले आहे की, नोंदणी केल्यास, उच्चायुक्तालय आणि वाणिज्य दूतावासाला कोणत्याही गरजेच्या किंवा आपत्कालीन परिस्थितीत कॅनडामधील भारतीय नागरिकांशी संपर्क साधणे सोपे होईल.

Flag
Canada Supreme Court:'पार्टनरच्या संमतीशिवाय कंडोम काढणे गुन्हा', कॅनडा सर्वोच्च न्यायालयाचा निर्णय

तथाकथित खलिस्तानी सार्वमतावर भारताचा घणाघात

एक दिवस अगोदर, भारताने कॅनडातील तथाकथित खलिस्तानी सार्वमतावर तीव्र प्रतिक्रिया व्यक्त केली होती. भारताने (India) म्हटले की हे "अत्यंत आक्षेपार्ह" आहे की, मित्र देशामध्ये कट्टरपंथी आणि अतिरेकी घटकांना अशा राजकीय हेतूने प्रेरित कारवाया करण्याची परवानगी देण्यात आली आहे.'

Flag
Canada Bans Handguns: '...पंतप्रधान जस्टिन ट्रूडो अ‍ॅक्शन मोडमध्ये'

दुसरीकडे, परराष्ट्र मंत्रालयाचे प्रवक्ते अरिंदम बागची म्हणाले होते की, 'भारताने हे प्रकरण कॅनडाच्या प्रशासनाकडे राजनयिक माध्यमांद्वारे मांडले आहे. कॅनडासोबत हा मुद्दा पुढेही आम्ही उचलत राहणार आहोत.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com